சர்வேசுவரா எங்களுக்கு உதவியாயிரும். கர்த்தாவே எங்களுக்கு ஒத்தாசை செய்தருளும். பிதாவுக்கும், சுதனுக்கும், பரிசுத்த ஆவிக்கும் மகிமை உண்டாவதாக. ஆதியில் இருந்தது போல இப்பொழுதும், எப்பொழுதும் எங்கள் மரண நேரத்திலும் வேண்டிக்கொள்ளும். ஆமென். 

அளவில்லாத சகல நன்மையும், சுரூபியுமயிருக்கிற எங்கள் சர்வேசுரா சுவாமி! நீச மனிதரும் நன்றியறியாத பாவிகளுமாயிருக்கிற அடியோர்களது மட்டில்லாத மகிமை பிரதாபத்தைக் கொண்டிருக்கிற தேவரீருடைய திருச்சந்நிதிலே இருந்து ஜெபம்பண்ணப் பாத்திரமாகாதவர்களாய் இருந்தாலும், தேவரீருடைய அளவில்லாத தயவை நம்பிக்கொண்டு தேவரீருக்குத் துதி வணக்கமாகவும் பரிசுத்த தேவ மாதாவிற்குத் ஸ்தோத்திரமாகவும் ஐம்பத்து மூன்று மணி ஜெபம் பண்ண ஆசையாயிருக்கிறோம். இந்த ஜெபத்தை பக்தியோடே செய்து, பராக்கில்லாமல் முடிக்கத் தேவரீருடைய ஒத்தாசையைக் கட்டளை பண்ணியருளுங்கள் சுவாமி. ஆமென்.

 

விசுவாசப்பிரமானம்

பரலோகத்தையும் பூலோகத்தையும் படைத்த எல்லாம் வல்ல பிதாவாகிய சர்வேசுரனை விசுவசிக்கிறேன்.
அவருடைய ஏக சுதனாகிய நம்முடைய நாதர் இயேசு கிறிஸ்துவையும் விசுவசிக்கிறேன்.
இவர் பரிசுத்த ஆவியினால் கர்ப்பமாய் உற்பவித்து அர்ச்சிஷ்ட கன்னிமரியாயிடமிருந்து பிறந்தார்.
போஞ்சு பிலாத்தின் அதிகாரத்தில் பாடுபட்டு, சிலுவையில் அறையுண்டு, மரித்து அடக்கம் செய்யப்பட்டார்.
பாதாளத்தில் இறங்கி மூன்றாம் நாள் மரித்தோரிடமிருந்து உயிர்த்தெழுந்தார்.
பரலோகத்திற்கு எழுந்தருளி, எல்லாம் வல்ல பிதாவாகிய சர்வேசுரனுடைய வலது பக்கம் வீற்றிருக்கிறார்.
அவ்விடத்திலிருந்து ஜீவியரையும் மரித்தவரையும் நடுத்தீர்க்க வருவார்.
பரிசுத்த ஆவியை விசுவசிக்கிறேன்.
பரிசுத்த கத்தோலிக்க திருச்சபையை விசுவசிக்கிறேன்.
அர்ச்சியசிஷ்டவர்களுடைய சமூதீதப் பிரயோசனத்தை விசுவசிக்கிறேன்.
பாவப் பொறுத்தலை விசுவசிக்கிறேன்.
சரீர உத்தானத்தை விசுவசிக்கிறேன்.
நித்திய ஜீவியத்தை விசுவசிக்கிறேன். - ஆமென்.

 

2. பெரிய மணியில்:

மெய்யான இறைவனும் மெய்யான மனிதனும் ஒன்றாயிருக்கிற இயேசுநாதர் சுவாமி படிப்பித்த பரலோக மந்திரம் சொல்கிறது.

பரலோகத்தில் இருக்கிற எங்கள் பிதாவே, உம்முடைய நாமம் அர்ச்சிக்கப் படுவதாக. உம்முடைய இராட்ச்சியம் வருக. உம்முடைய சித்தம் பரலோகத்தில் செய்யப்படுவது போல, பூலோகத்திலும் செய்யப்படுவதாக.

எங்கள் அனுதின உணவை எங்களுக்கு இன்று அளித்தருளும். எங்களுக்குத் தீமை செய்தவர்களை நாங்கள் பொறுப்பதுபோல, எங்கள் பாவங்களைப் பொறுத்தருளும். எங்களைச் சோதனையில் விழவிடாதேயும்.  தீமையிலிருந்து எங்களை இரட்சித்தருளும்.  ஆமென்.

 

3. மூன்று சிறிய மணியில்:

1. பரம தந்தையாம் இறைவனுக்கு மகளாய் இருக்கிற புனித இறையன்னையே, எங்களிடம் விசுவாசம் பலனளிக்கும்படியாக உம் திருமைந்தனை மன்றாடும்.

அருள் நிறைந்த மரியே வாழ்க! கர்த்தர் உம்முடனே. பெண்களுக்குள் ஆசீர்வதிக்கப்பட்டவர் நீரே. உம்முடைய திருவயிற்றின் கனியாகிய இயேசுவும் ஆசீர்வதிக்கப்பட்டவரே. 

அர்ச்சிஷ்ட மரியாயே, சர்வேசுரனுடைய மாதாவே பாவிகளாயிருக்கிற எங்களுக்காக இப்பொழுதும் எங்கள் மரண நேரத்திலும் வேண்டிக்கொள்ளும். -ஆமென்.

2. திருமகனாம் இறைவனுக்குத் தாயாய் இருக்கிற புனித இறையன்னையே, எங்களிடம் நம்பிக்கை வளரும்படியாக உம் திருமைந்தனை மன்றாடும்.
(அருள் நிறைந்த....)

3. தூய ஆவியாராகிய இறைவனுக்கு மிகவும் ஏற்புடையவராய் இருக்கிற புனித இறையன்னையே, எங்களிடம் அன்பு வளரும்படியாக உம் திருமைந்தனை மன்றாடும்.
(அருள் நிறைந்த....)

 

4. மூன்று சிறிய மணிகளுக்குப் பின்:

திரித்துவத் துதி:
                   பிதாவுக்கும், சுதனுக்கும், பரிசுத்த ஆவிக்கும் மகிமை உண்டாவதாக. ஆதியிலே இருந்தது போல, இப்பொழுதும் எப்பொழுதும் என்றென்றும் இருப்பதாக. ஆமென். 

 

5. ஒவ்வொரு மறை உண்மைகளைச் சொல்லி தியானிப்போம்:

இயேசு கற்பித்த செபம்:
முத: விண்ணுலகில் இருக்கிற எங்கள் தந்தையே, உமது பெயர் தூயது எனப் போற்றப் பெறுக! உமது ஆட்சி வருக. உமது திருவுளம் விண்ணுலகில் நிறைவேறுவது போல மண்ணுலகிலும் நிறைவேறுக.

எல்: எங்கள் அன்றாட உணவை இன்று எங்களுக்குத் தாரும். எங்களுக்கு எதிராகக் குற்றம் செய்வோரை நாங்கள் மன்னிப்பது போல எங்கள் குற்றங்களை மன்னியும். எங்களைச் சோதனைக்கு உட்படுத்தாதேயும். தீமையிலிருந்து எங்களை விடுவித்தருளும். ஆமென்.

 

மங்கள வார்த்தை செபம்:
முத: அருள் நிறைந்த மரியே வாழ்க! ஆண்டவர் உம்முடனே, பெண்களுள் ஆசி பெற்றவர் நீரே. உம்முடைய திரு வயிற்றின் கனியாகிய இயேசுவும் ஆசி பெற்றவரே.

எல்: புனித மரியே, இறைவனின் தாயே, பாவிகளாய் இருக்கிற எங்களுக்காக, இப்பொழுதும், எங்கள் இறப்பின் வேளையிலும் வேண்டிக் கொள்ளும். ஆமென்.

 

திருத்துவப் புகழ்:
முத: தந்தைக்கும், மகனுக்கும், தூய ஆவியாருக்கும் மாட்சி உண்டாவதாக.
எல்: தொடக்கத்திலே இருந்தது போல இப்பொழுதும் எப்பொழுதும் என்றென்றும் இருப்பதாக. ஆமென்.

 

6. ஒவ்வொரு பத்து மணிகள் முடிந்ததும்:

பாத்திமா அன்னை செபம்:
எல்: ஓ என் இயேசுவே! எங்கள் பாவங்களைப் பொறுத்தருளும். எங்களை நரக நெருப்பிலிருந்து மீட்டருளும். எல்லாரையும் விண்ணுலகப் பாதை யில் நடத்தியருளும். உமது இரக்கம் யாருக்கு அதிகத் தேவையோ, அவர்களுக்குச் சிறப்பான உதவி புரியும்.

 

மகிழ்ச்சி நிறை மறை உண்மைகள்: (திங்கள், சனி)

1- கபிரியேல் தூதர் கன்னிமரியாவுக்கு மங்கள வார்த்தை சொன்னதை 
   தியானித்து,  தாழ்ச்சி என்னும் வரத்தைக் கேட்டுச் செபிப்போமாக.
2- கன்னி மரியாள் எலிசபெத்தம்மாளைச் சந்தித்ததைத் தியானித்து, 
     பிறரன்பு  என்னும் வரத்தைக் கேட்டு செபிப்போமாக.
3-இயேசு பிறந்ததைத் தியானித்து, எளிமை என்னும் வரத்தைக் கேட்டு  
   செபிப்போமாக.
4- இயேசு கோயிலில் காணிக்கையாக ஒப்புக் கொடுத்ததை தியானித்து,
    இறைவனின் திருவுளத்துக்குப் பணிந்து நடக்கும் வரத்தைக் கேட்டு
    செபிப்போமாக.
5-காணாமற் போன இயேசுவைக் கண்டடைந்ததை தியானித்து,
   நாம் அவரை  எந்நாளும் தேடும் வரத்தைக் கேட்டு செபிப்போமாக.

 

துயர் நிறை மறை உண்மைகள்: ( செவ்வாய், வெள்ளி)

1- இயேசு இரத்த வியர்வை சிந்தியதைத் தியானித்து, நம் பாவங்களுக்காக  மனத்துயர்  அடைய செபிப்போமாக!
2- இயேசு கற்றூணில் கட்டுண்டு அடிப்பட்டதைத் தியானித்து, புலன்களை
    அடக்கி வாழும் வரம் கேட்போமாக!
3- இயேசு முள்முடி தரித்ததைத் தியானித்து, நம்மையே ஒடுக்கவும், 
    நிந்தை   தோல்விகளை மகிழ்வுடன் ஏற்கவும் செபிப்போமாக!
4- இயேசு சிலுவை சுமந்து சென்றதைத் தியானித்து, வாழ்க்கைச்
    சுமையை  பொறுமையோடு ஏற்று வாழச் செபிப்போமாக!
5- இயேசு சிலுவையில் அறையப்பட்டு இறந்ததைத் தியானித்து,
    இயேசுவை  அன்புசெய்யவும், பிறரை மன்னிக்கவும் வரம் கேட்போமாக!

 

மகிமை நிறை மறை உண்மைகள்: ( புதன், ஞாயிறு )

1- இயேசு உயிர்த்தெழுந்ததைத் தியானித்து, உயிருள்ள விசுவாசத்துடன்
   வாழ செபிப்போமாக!
2- இயேசுவின் விண்ணேற்றத்தைத் தியானித்து, நம்பிக்கையுடன் 
    விண்ணக வாழ்வைத் தேடும் வரம் கேட்போமாக!
3- தூய ஆவியாரின் வருகையைத் தியானித்து, நாம் அனைவரும்
   ஆவியாரின் ஒளியையும் அன்பையும் பெற செபிப்போமாக!
4- இறையன்னையின் விண்ணேற்பைத் தியானித்து, நாமும் விண்ணக
     மகிமையில் பங்குபெற செபிப்போமாக !
5- இறையன்னை விண்ணக மண்ணக அரசியாக மணிமுடி சூட்டப் பெற்றதைத் தியானித்து, நம் அன்னையின் மீது ஆழ்ந்த பக்தி கொள்ள செபிப்போமாக !

ஒளி நிறை மறை உண்மைகள்:  (வியாழக் கிழமை)

1- இயேசு யோர்தான ஆற்றில் திருமுழுக்கு பெற்றதை தியானிப்போமாக !
2- கானாவூர் திருமணத்தில் இயேசு தண்ணீரை திராட்சை இரசமாக
    மாற்றியதை தியானிப்போமாக !
3- இயேசு விண்ணரசைப் பறைசாற்றியதை தியானிப்போமாக !
4- இயேசு தாபோர் மலையில் உருமாற்றம் பெற்றதை தியானிப்போமாக !
5- இயேசு கடைசி இராவிருந்துண்டதையும் நற்கருணை ஏற்படுத்தியதையும் தியானிப்போமாக!

 

மறை உண்மைகளின் நிறைவில்:

அதிதூதரான புனித மிக்கேலே, தேவதூதர்களான புனித கபிரியேலே, அப்போஸ்தலர்களான புனித இராயப்பரே, சின்னப்பரே, அருளப்பரே நாங்கள் எத்தனை பாவிகளாயிருந்தாலும், நாங்கள் வேண்டிக்கொண்ட இந்த ஜம்பத்து மூன்று மணிசெபத்தையும் உங்கள் ஸ்தோத்திரங்களோடே ஒன்றாகக் கூட்டி புனித தேவமாதாவின் திருப்பாதத்தில் பாதகாணிக்கையாக வைக்க உங்களைப் பிராத்தித்துக் கொள்கிறோம். ஆமென். 

 

அல்லது

காணிக்கை செபம்

அத்தியந்த மகிமையுள்ள பரலோக இராசேஸ்வரியான பரிசுத்த தேவமாதாவே! உம்முடைய திருப்பாதத்தை நாங்கள் நமஸ்கரித்து இந்தச் செபமாலைத் தியானத்தை உமக்குப் பாத காணிக்கையாக வைத்து ஒப்புக் கொடுக்கின்றோம். இதை நீரே கையேற்று உம்முடைய திருக்குமாரனிடத்திலே கையளித்து இதிலே நாங்கள் தியானித்த மறை
நிகழ்ச்சிகளுடைய பலனை அடையவும், சுகிரேத போதனையின் படியே நடந்து இவ்வுலகத்திற் சகல விக்கினங்களும் நிவாரணமாகவும் பரலோகத்திலே உம்மோடே உம்முடைய திருக்குமாரனுடைய மோட்சமுக தரிசனையைக் கண்டு களிகூர்ந்திருக்கவும், ஒத்தாசை பண்ணியருளும் தாயாரே. ஆமென்

 

புனித தேவமாதாவின் பிராத்தனை

சுவாமி கிருபையாயிரும்
கிறிஸ்துவே கிருபையாயிரும்
சுவாமி கிருபையாயிரும்

கிறிஸ்துவே எங்கள் பிராத்தனையைக் கேட்டருளும்
கிறிஸ்துவே எங்கள் பிராத்தனையை நன்றாகக் கேட்டருளும்
பரமண்டலங்களிலே இருக்கிற பிதாவாகிய சர்வேசுரா  
எங்களை தயைபண்ணி இரட்சியும் சுவாமி
உலகத்தை மீட்டு இரட்சித்த சுதானாகிய சர்வேசுரா  
எங்களை தயைபண்ணி இரட்சியும் சுவாமி
தூய ஆவியாகிய சர்வேசுரா
எங்களை தயைபண்ணி இரட்சியும் சுவாமி
தூய்மை நிறை மூவொரு இறைவா -
எங்களை தயைபண்ணி இரட்சியும் சுவாமி

புனித மரியாயே - எங்களுக்காக வேண்டிக்கொள்ளும்
சர்வேசுரனுடைய புனித மாதாவே -எங்களுக்காக ...
கன்னியாஸ்திரீகளின் உத்தம கன்னிகையே ...
மகா அன்பிற்கு பாத்திரமாயிருக்கிற மாதாவே...
கிறிஸ்துவினுடைய மாதாவே...
தேவ வரப்பிரசாதத்தின் மாதாவே...
மகா பரிசுத்த மாதாவே...
அத்தியந்த விரத்தியாயிருக்கிற மாதாவே..
பழுதற்ற கன்னிகையாயிருக்கிற மாதாவே...
கன்னி சுத்தங்கெடாத மாதாவே...
மகா அன்புக்குப் பாத்திரமாயிருக்கற மாதாவே...
ஆச்சரியத்துக்குரிய மாதாவே...
நல்ல ஆலோசனை மாதாவே,,,
சிருஷ்டிகருடைய மாதாவே...
இரட்சகருடைய மாதாவே...
மகா புத்தியுடைத்தான கன்னிகையே...
மகா வணக்கத்துக்குரிய கன்னிகையே...
பிரகாசமாய் ஸ்துதிக்கப்பட்ட யோக்கியமாயிருக்கிற கன்னிகையே...
சக்தியுடைத்தவளாயிருக்கிற கன்னிகையே...
தயையுள்ள கன்னிகையே...
விசுவாசியாயிருக்கிற கன்னிகையே....
தருமத்தின் கண்ணாடியே...
ஞானத்துக்கு இருப்பிடமே...
எங்கள் சந்தோஷத்தின் காரணமே...
தேவ இரகசியத்தைக் கொண்டிருக்கிற ரோஜா புஷ்பமே...
ஞான பாத்திரமே...
மகிமைக்குரிய பாத்திரமே...
அத்தியந்த பக்தியுடைத்தான பாத்திரமே...
தாவீது இராஜாவுடைய உப்பரிகையே...
தந்த மயமாயிருக்கிர உப்பரிகையே...
சொர்ண மயமாயிருக்கிற ஆலயமே...
வாக்குத்தத்தத்தின் பெட்டகமே...
பரலோகத்தினுடைய வாசலே...
விடியக்காலத்தின் நட்சத்திரமே...
வியாதிக்காரருக்கு ஆரோக்கியமே...
பாவிகளுக்கு அடைக்கலமே...
கஸ்திப்படுகிறவர்களுக்கு தேற்றரவே...
கிறிஸ்தவர்களுடைய சகாயமே...
சம்மனசுக்களுடைய இராக்கினியே...
பிதா பிதாக்களுடைய இராக்கினியே...
இறைவாக்கினர்களுடைய இராக்கினியே...
அப்போஸ்தலர்களுடைய இராக்கினியே...
மறைசாட்சிகளுடைய இராக்கினியே...
துதியர்களுடைய இராக்கினியே...
கன்னியர்களுடைய இராக்கினியே...
அனைத்துப் புனிதர்களுடைய இராக்கினியே...
ஜென்ம பாவமின்றி உற்பவித்த இராக்கினியே...
பரலேகத்துக்கு ஆரோபணமான இராக்கினியே...
திருச் செபமாலையின் இராக்கினியே...
சமாதானத்தின் இராக்கினியே...

உலகின் பாவங்களைப் போக்கும் இறைவனின் செம்மறியே
 எங்கள் பாவங்களைப் பொறுத்தருளும்.
உலகின் பாவங்களைப் போக்கும் இறைவனின் செம்மறியே
எங்கள் மன்றாட்டைக் கேட்டருளும்.
உலகின் பாவங்களைப் போக்கும் இறைவனின் செம்மறியே
எங்கள் மேல் இரக்கமாயிரும்.

                   சர்வேசுரனுடைய பரிசுத்த மாதாவே! இதோ உம்முடைய சரணமாக ஓடிவந்தோம். எங்கள் அவசரங்களிலே நாங்கள் வேண்டிக் கொள்ளுகிறதற்குப் பாராமுகமாய் இராதேயும். ஆசீர்வதிக்கப் பட்டவளுமாய் மோட்சமுடையவளுமாயிருக்கிற நித்திய கன்னிகையே! சகல ஆபத்துக்களிலேயும் நின்று எங்களைத் தற்காத்துக் கொள்ளும். -ஆமென்.

இயேசு கிறிஸ்துவின் வாக்குறுதிகளுக்கு நாங்கள் தகுதியுள்ளவர்கள் ஆகும்படி, சர்வேசுரனுடைய பரிசுத்த மாதாவே எங்களுக்காக வேண்டிக்கொள்ளும்.

ஜெபிப்போமாக :
                   இறைவா! முழுமனதோடே தெண்டனாக விழுந்துகிடக்கிற இந்த குடும்பத்தைப் பார்த்து எப்பொழுதும் பரிசுத்த கன்னியான மரியாளுடைய வேண்டுதலினாலே, சகல சத்துருக்களின் சற்பனையிலே நின்று பிரசன்னராய்த் தயை செய்து இரட்சியும். இந்த மன்றாட்டுக்களை எல்லாம் எங்கள் ஆண்டவரான இயேசுநாதருடைய திருமுகத்தைப் பார்த்து எங்களுக்குத் தந்தருளும். -ஆமென்
 

 

கிருபைதயாபத்து மந்திரம்

கிருபைதயாபத்துக்கு மாதாவாயிருக்கிற எங்கள் இராக்கினியே வாழ்க! எங்கள் ஜீவியமே, எங்கள் தஞ்சமே, எங்கள் மதுரமே வாழ்க! பரதேசிகளாயிருக்கிற நாங்கள் ஏவையின் மக்கள், உம்மைப் பார்த்து கூப்பிடுகிறோம். இந்தக் கண்ணீர்க் கணவாயிலே நின்று பிரலாபித்தழுது, உம்மையே நோக்கிப் பெருமூச்சு விடுகிறோம். ஆதலால் எங்களுக்காக வேண்டி மன்றாடுகிற தாயே, உம்முடைய தயாளமுள்ள திருக்கண்களை எங்கள் பேரில் திருப்பியருளும்.  இதுவன்றியே நாங்கள் இந்தப் பரதேசம் கடந்த பிற்பாடு உம்முடைய திருவயிற்றின் கனியாகிய இயேசுநாதருடைய பிரத்தியட்சமான தரிசனத்தை எங்களுக்குத் தந்தருளும்.  கிருபாகரியே, தயாபரியே, பேரின்ப இரசமுள்ள கன்னிமரியாயே!
- இயேசுக்கிறிஸ்து நாதருடைய திரு வாக்குத்தத்தங்களுக்கு நாங்கள்
   பாத்திரவான்களாய் இருக்கத்தக்கதாக
- சர்வேசுரனுடைய பரிசுத்த மாதாவே எங்களுக்காக வேண்டிக்கொள்ளும். -ஆமென்.

ஜெபிப்போமாக:
                    சர்வ சக்தியுடையவருமாய் நித்தியருமாய் இருக்கிற இறைவா! முத்திபேறுபெற்ற கன்னித்தாயான மரியாயினுடைய ஆத்துமமும் சரீரம் தூய ஆவியின் அனுக்கரகத்தினாலே தேவரீருடைய திருமகனுக்கு யோக்கியமான பீடமாயிருக்க ஏற்கெனவே நியமித்தருளினீரே. அந்த திவ்விய தாயை நினைத்து மகிழ்கிற நாங்கள் அவளுடைய இரக்கமுள்ள மன்றாடினாலே இவ்வுலகில் சகலப் பொல்லாப்புக்களிலேயும், நித்திய மரணத்திலேயும் நின்று இரட்சிக்கப்படும்படிக்கு கிருபை கூர்ந்தருளும். இந்த மன்றாட்டுக்களையெல்லாம் எங்கள் ஆண்டவராகிய இயேசுநாதருடைய திருமுகத்தைப் பார்த்து எங்களுக்குத் தந்தருளும். -ஆமென்.
 

 

புனித பெர்னதத்து கன்னிமரியிடம் வேண்டின ஜெபம்:

மிகவும் இரக்கமுள்ள தாயே! உமது அடைக்கலமாக ஓடிவந்து, உம்முடைய உபகார சகாயங்களை இறைஞ்சி மன்றாடிக் கேட்ட ஒருவராகிலும் உம்மால் கைவிடப்பட்டதாக ஒருபோதும் உலகில் சொல்லக் கேள்விப்பட்டதில்லை என்று நினைத்தருளும். கன்னியருடைய இராக்கினியான கன்னிகையே! தயையுள்ள தாயே! இப்படிப்பட்ட நம்பிக்கையால் ஏவப்பட்டு உமது திருப்பாதத்தை அண்டி வந்திருக்கிறோம். பெருமூச்செறிந்து அழுது பாவிகளாயிருக்கிற நாங்கள் உமது தயாபரத்தில் காத்து நிற்கின்றோம். அவதரித்த வார்த்தையின் தாயே எங்கள் மன்றாட்டைப் புறக்கணியாமல் தயாபரியாய் கேட்டுத் தந்தருளும் தாயே -ஆமென்

 

தேவமாதாவை நோக்கி அனுதினம் வேண்டிக்கொள்ளும் செபம்.

தேவதூதர்களுடைய இராக்கினியே! மனிதர்களுடைய சரணமே! சர்வ லோகத்துக்கும் நாயகியே! நாங்கள் எல்லாரும் உம்முடைய பிள்ளைகளாய் இருக்கிறோம். எப்படியாகிலும் எங்களை இரட்சிக்கவேணுமென்று தேவரீரை மன்றாடுகிறோம்.

தாயாரே! மாதாவே! ஆண்டவளே! உம்மை நம்பினோம், எங்களைக் கைவிடாதேயும். விசேஷமாய் நாங்கள் சாகும்போது பிசாசுகளுடைய தந்திரங்களையெல்லாம் தள்ளிப்போட்டு உம்முடைய திருக்குமாரன் சேசுநாதரிடம் நாங்கள் வந்து சேருமட்டும் தேவரீர் துணையாயிரும்.

இது நிமித்தமாக உம்முடைய திருப்பாதத்தில் விழுந்து உம்முடைய ஆசீரைக் கேட்கிறோம். இதை அடியோர்களுக்கு இரக்கத்தோடே கட்டளை பண்ணியருளும் தாயாரே! மாதாவே! ஆண்டவளே! ஆமென்.

 

நம் இல்லத்தின் ராணிக்கு செபம்

பரலோக பூலோக அரசியே வாழ்க நிரந்தர சகாயத்தின் நேச ஆண்டவளே மாசணுகாத் தேவதாயே உம்மை எம் வீட்டின் ஆண்டவளாகவும் எசமாட்டியாகவும் தெரிந்து கொள்கின்றோம். கொள்ளைநோய், மின்னல், இடி, நெருப்பு, புயற்காற்று, வெள்ளப்பெருக்கு, போர் அபாயங்கள் விரோதிகளின் பகை குரோதங்களில் நின்றும் இவ்வீட்டில் உள்ளவர்களைப் பாதுகாத்தருளும்.

மிகவும் அன்புள்ள தாயே! இங்கு வசிப்போரை ஆதரியும். அவர்கள் இங்கிருந்து வெளியே போகும் போதும், உள்ளே வரும் போதும் அவர்களுக்குத் துணையாய் இருந்து சடுதி மரணத்திலும் சாவான பாவத்திலும் நின்று மீட்டு இரட்சித்தருளும். நாங்கள் சருவேசுரனுக்கு பிரமாணிக்கமாக ஊழியம் செய்து நித்தியத்திற்கும் உமது ஏக திருக்குமாரனின் மோட்ச தரிசனையைக் கண்டு களிக்கும் பாக்கியத்தை அடைய எங்களுக்காக மன்றாடியருளும், ஆமென்.

 

ஜென்மப்பாவமில்லாமல் உற்பவித்த அர்ச்சிஷ்ட மரியாயே, பாவிகளுக்கு அடைக்கலமே, இதோ உம்முடைய அடைக்கலமாக ஓடிவந்தோம். 

எங்கள் பேரில் இரக்கமாயிருந்து, எங்களுக்காக உமது திருக்குமாரனை வேண்டிக்கொள்ளும். 
-அருள்நிறைந்த மந்திரம் (மூன்று முறை)
பிதா சுதன் பரிசுத்த ஆவியின் பெயராலே -ஆமென்.

பரிசுத்த பாப்பரசரின் கருத்துக்கள் நிறைவேறும் படியாக ஜெபிப்போமாக :
ஒரு பரலோக மந்திரம்,
ஒரு அருள் நிறைந்த மந்திரம்
ஒரு திரித்துவத் துதி சொல்வோம்.
பிதா சுதன் பரிசுத்த ஆவியின் பெயராலே -ஆமென்.

 

துன்ப முடிச்சுக்களை அவிழ்க்கும் அன்னையிடம் செபம்

கன்னி மரியே! அழகு அன்புத்தாயே! மன்றாடும் குழந்தையை ஒருபோதும் புறக்கணியாத அன்னையே! உமது திருஇதயத்திலிருந்து பெருக்கெடுத்து வழியும் அன்பினாலும், முடிவில்லாத இரக்கத்தினாலும், குழந்தைகள் எமக்காய் அயராது உழைக்கும், திருக்கரங்கள் கொண்ட திருவே, உமது கருணைப் பார்வையை எம்மீது திருப்பி, எனது வாழ்வைத் திணறவைக்கும் முடிச்சுக்களைக் கண்ணோக்கியருளும், எனது துன்பம், வலி, செயலிழக்கச் செய்யும் துன்பமுடிச்சுக்கள், அனைத்தையும் நீர் அறிவீர், எங்கள் வாழ்க்கை நூலில் விழும் முடிச்சுக்களை அவிழ்க்க, கடவுளிடமிருந்து பொறுப்பு பெற்ற தாயே, உமது திருக்கரங்களில் எனது வாழ்வை ஒப்படைக்கிறேன், உமது இரக்கப்பெருக்கை, ஒருபோதும் ஒருவரும் நிறுத்த முடியாதென்றும், உம்மால் அவிழ்க்க முடியாத முடிச்சு, உலகில் ஒன்றுமில்லை என்றும் நம்புகிறேன், வல்லமையின் தாயே, ஆண்டவர் இயேசுவிடம் பரிந்து பேசும் உமது பலத்தினால், என்னை வாட்டி வதைக்கும் இச்சிக்கலான துன்ப முடிச்சுகளை,

(அமைதியாக ஒரு நிமிடம் துன்ப முடிச்சுக்களை மனக்கண் முன் கொண்டு வரவும்)

உமது தூய திருக்கரங்களில் பெற்றுக் கொள்ளும். தந்தையாம் கடவுளின் உன்னத மகிமை வெளிப்படும்படி, எனது துன்ப முடிச்சுக்களை, இப்பொழுதும், என்றென்றைக்கும், அவிழ்த்துப் போடும். எனக்கு ஆறுதல் வழங்க கடவுளால் அருளப்பட்டவர் நீர், எனது பலவீனத்தில் என் வலிமை நீர், உம் திருமகன் இயேசுவிடமிருந்து, என்னைப் பிரிக்கும் சக்திகளை அழிப்பவரும் நீரே. அம்மா எனக்குப் பதில் தாரும், பாதுகாத்தருளும், வழிநடத்தும், காப்பாற்றும், ஏனெனில் நீரே என் உறுதியான அடைக்கலம், உம்மீது என் நம்பிக்கையை வைக்கிறேன், - ஆமென்.

எங்கள் துன்ப முடிச்சுக்களை அவிழ்க்கும் அன்னையே!
எங்களுக்காக வேண்டிக்கொள்ளும்

 

சூசையப்பர் பேரில் பாப்பரசர் 13ம் சிங்கராயர் செய்த செபம்

புனித சூசையப்பரே! எங்கள் ஆபத்துக்களில் உமதண்டை ஓடி வருகின்றோம். உமது பரிசுத்த பத்தினியின் உதவியை இரந்து மன்றாடிபின், உம்முடைய அடைக்கலத்தை நம்பிக்கையுடன் வேண்டிக் கொள்கின்றோம். உம்மை மாசில்லாக் கன்னியாகிய தேவதாயாருடன் ஐக்கியப்படுத்திய அந்த நேசமூலமாக மன்றாடுவதுமன்றி, குழந்தையாகிய யேசுநாதரை அரவணைத்த பிதாவின் நேச மூலமாகவும், இயேசுக்கிறீஸ்துநாதர் தமது இரத்தத்தால் அடைந்து கொண்ட சுதந்திரத்தை நாங்கள் இழந்து போகாதபடிக்கு தற்காக்கவும், எங்கள் அவசரங்களில் உமது வல்லமையைக் கொண்டு எங்களுக்கு உதவி புரியவும், உம்மை மன்றாடுகிறோம்.

ஓ! தேவ திருவுளத்தால் திவ்விய குடும்பத்திற்கு பாதுகாவலராகத் தெரியப்பட்டவரே! இயேசுக்கிறிஸ்துநாதருடைய உத்தம குடும்பத்தைத் தற்காத்தருளும். அன்பான பிதாவே, சகல விதமான ஒழுங்கீனங்களிலும், கேடுகளிலும், தவறுகளிலும் நின்று எங்களை விலக்கியருளும். எங்கள் ஆபத்துக்களில் அதிக பெலமும் தஞ்சமுமானவரே, பசாசுகளுடன் போர் பொருதும் இந்த வேளையில், மோட்சத்தில் நின்று எங்களைக் கண்நோக்கும். பாலக இயேசுவை பெருந்தீங்கில் நின்று இரட்சித்தது போல, சருவேசுரனுடைய பரிசுத்த திருச்சபையை சதிகாரச் சத்துராதிகளிடத்தில் நின்றும், சகல பொல்லாப்புக்களில் நின்றும் காத்தருளும். உம்மைக்கண்டு பாவித்து உமது உதவியால் தாபரிக்கப்பட்டு பரிசுத்தராய் சீவிக்கவும், நித்திய மோட்சானந்த பாக்கியத்தை அடைந்து கொளளவும், எங்கள் ஒவ்வொருவரையும் உமது இடைவிடாத அடைக்கலத்தில் வைத்துக் காத்தருளும் தகப்பனாரே. ஆமென்.

ஒரு பரலோக மந்திரம்,
ஒரு அருள் நிறைந்த மந்திரம்
ஒரு திரித்துவத் துதி சொல்வோம்.
பிதா சுதன் பரிசுத்த ஆவியின் பெயராலே -ஆமென்.

புனித சூசையப்பரே!  - எங்களுக்காக வேண்டிக்கொள்ளும் (3)

 

புனித மிக்கேல் தேவதூதருக்கு ஜெபம்

அதிதூதரான புனித மிக்கேலே, யுத்த நாளில் எங்களைக் காப்பாற்றும். பசாசின் துஸ்டதனத்திலும் அதன் கண்ணிகளிலும் நின்று எங்களை காத்தருளும். இறைவன் அதைக் கடிந்து கொள்ளும்படி தாழ்மையுடன் மன்றாடுகின்றோம். வானுலகசேனைக்கு அதிபதியாயிருக்கின்ற நீர்; ஆன்மாக்களை நாசஞ் செய்யும்படி உலகெங்கும் சுத்தித் திரியும் சாத்தானையும் மற்றும் பசாசுகளையும் தேவ வல்லமையைக் கொண்டு நரக பாதாளத்திலே தள்ளிவிடும். - ஆமென்.

 

- பரிசுத்த பரம திரித்துவத்திற்கு ஆராதனை - உண்டாவதாக
- இயேசுநாதருடைய மனுசீயத்திற்கு ஆராதனை - உண்டாவதாக
- தேவ பரம இரகசிய சற்பிரசாதத்திற்கு ஆராதனை - உண்டாவதாக
-பரிசுத்த கன்னியாஸ்திரியான தேவமாதா முதலான சகல மோட்சவாசிகளுக்கு ஆராதனை - உண்டாவதாக
- கர்த்தாவான சருவேசுரா - சுவாமி பாவிகளாய் இருக்கிற எங்களை இரட்சித்துக்கொள்ளும் (3)

 

மாசில்லாமல் உற்பவித்த தேவமாதாவே! பாவிகளாயிருக்கிற எங்களுக்காக மன்றாடும் (3)

 

திருச்செபமாலை இராக்கினியே!
சிறந்த நல் ரோஜாபூவே!
எங்கள் தேசம் மனந்திரும்ப மன்றாடுவீர்!
எங்கள் தாயே! செல்வத் தாயே! மன்றாடுவீர்!

 

மரியாயே! எங்கள் நல்ல தாயாரே!!
இந்த நாள் முழுவதும் (இரா முழுவதும்) எங்களை
சடுதி மரணத்திலும் சாவான பாவத்திலும்
சகல ஆபத்துக்களிலுமிருந்து காத்துக்கொள்ளும் (3)

 

அர்ச்சிஷ்ட சிலுவை அடையாளத்தினாலே, எங்கள் சத்துருக்களிடமிருந்து எங்களை இரட்சித்தருளும், எங்கள் சர்வேசுவரா! பிதா, சுதன், பரிசுத்த ஆவியின் பெயராலே ஆமென்.