அன்னை மரியா என்றுமே "மரியாள்"!

" என்றுமே மரியாத அன்னை மரியா" விற்கு, செபமாலையின் மாதமான அக்டோபர் மாதத்தில் செபமாலை எனப்படும் அருள்மாலையைக் கொடுப்பதற்கு தயாராக இருக்கிறோமா?.

" நானே அமல உற்பவம்" என்றுரைத்த அன்னை மரியா � எமக்காக தமது திருமகனிடம் அனுதினமும் பரிந்து பேசும் சதாசகாயத் தாயான எமது அடைக்கலத்தாய் என அழைக்கப்படும் மீட்பின் அன்னை, பாவக்கட்டுக்களிலிருந்து எம்மை விடுவிக்க எம்மிடம் வேண்டுவது, பூ மாலையோ அல்லது பாமாலையோ அல்ல; மாறாக செபமாலையைக் கேட்கிறார்.

ஏதேனில் வாழ்ந்த மனிதன், சந்திரனில் சென்று வாழுமளவிற்கு மாற்றங்கள் ஏற்படலாம் - பருவ காலங்கள் மாறலாம் � அரசியல் காரணங்களால் புலம்பெயர் நாட்டில் புதிய குடிமகனாகலாம் � ஆயினும், " அமல உற்பவி கன்னி அன்னை மரியாள் என்றுமே மரியாள்" என்பது, எந்த சக்தியாலும் மாற்ற முடியாத உண்மையாகும்.

ஆண்டவர் இயேசுவின் மீட்பின் திட்டத்தில், அன்னை மரியா " அமல உற்பவியாக" ஆற்றிய அளப்பரிய பங்களிப்பே, நாங்கள் ஒவ்வொருவரும் சதா சகாயத் தாய் - அடைக்கல நாயகி - மீட்பின் அன்னை எனப்படும் தேவ அன்னையை, மருதமடு செபமாலை அன்னை என போற்றிப் புகழக் காரணமாகியது.

ஆண்டவர் இயேசு அன்றும் - இன்றும் - என்றும் உயிர் வாழ்கின்றார் என நாம் எவ்வாறு விசுவசிக்றோமோ, அவ்வாறே அன்னை மரியாள் பலகோடிக் கத்தோலிக்கரது உள்ளத்தில் " அமல உற்பவி" என அழைக்கப்படுகின்றாள் என்பது எனது பணிவான கருத்தாகும்.

இவ்வுலகத் தாயிலும் மேலான " அம்மா" என்று ஒவ்வொருவரும் உரிமையோடும் - அன்போடும் அழைக்கும் " அமல உற்பவி" எனப்படும் விசுவாசக் கருத்து, இன்றோ நேற்றோ ஏற்பட்டதல்ல என்பதனை, நற்செய்தியின் வெளிச்சத்தில் நாம் ஆராயலாம்.

" இதோ கன்னி கருவுற்று ஓர் ஆண் மகவைப் பெற்றெடுப்பார் அக்குழந்தைக்கு இம்மானுவேல் என்று பெயரிடுவார்" என்று இறைவாக்கினர் வாயிலாக உரைத்தது நிறைவேறவே (மத்1:22) தூய்மையான அன்புக்கு உதாரணமான " அமல உற்பவி அன்னை மரியா என்றும் மரியாத மரியாவாக" நற்செய்தி ஏடுகள் வழியாக, இவ்வுலகிற்கு அறிமுகம் செய்து வைக்கப்படுகிறார்.

நசரேத்தூரில் தூதர் கபிரியேல் வழியாக " அருள்மிகப் பெற்றவரே வாழ்க ஆண்டவர் உம்மோடிருக்கிறார்" (லூக் 1:28) என அழைக்கப்பட்டு, இவ்வுலகில் " கடவுளால் இயலாதது ஒன்றுமில்லை" (லூக் 1:37) என உறுதி செய்யப்படுவதனையும் அவதானிக்கலாம்.

கத்தோலிக்க மக்களின் வாழ்க்கையில், அன்னை மரியாள் பெற்றுள்ள சிறப்பிடம் என்றுமே தனித்துவமானதென, எல்லாம் வல்ல இறைவனது உறுதிப்பாட்டை " ஆண்டவர் உமக்குச் சொன்னவை நிறைவேறும்" (லூக்கா1:45) என எலிசபெத் தெளிவு படுத்துகிறார்.

இறைவார்த்தையை தனது உதரத்தில் தாங்கிய அன்னை மரியா " தம் தலைமகனைப் பெற்றெடுத்து �.. துணிகளில் பொதிந்து தீவனத் தொட்டியில் கிடத்தி (லூக்2:7) மீட்பு வரலாற்றிலே வியப்புமிகு பெண்ணாக" இந்நிகழ்ச்சிகளையெல்லாம் தம்முள்ளத்தில் இருத்தி சிந்தித்துக் கொண்டிருந்தார்" (லூக்கா 2:19).

மனித இனம், இறைவனோடு தமக்கேற்படும் சந்திப்புக்களையும், அனுபவங்களையும் வழிவழிச் செய்திகளாக விட்டுச்செல்வது வரலாறு � உனது குழந்தை " இஸராயேல் மக்களுள் பலரது வீழ்ச்சிக்கும் எழுச்சிக் கும் காரணமாக இருக்கும்" (லூக் 2:34) என சிமியோன் முன்னுரைக்க, அன்னையின் உள்ளத்தை வாளொன்று ஊடுருவியது (லூக் 2:35).

சமூக வாழ்வில் பெண்கள் இடம்பெறாத யூத கலாச்சாரத்திலே வாழ்ந்த அன்னை மரியா " நீங்கள் ஏன் என்னைத் தேடினீர்கள்? நான் என் தந்தையின் அலுவல்களில் ஈடுபட்டிருக்க வேண்டும் என்பது உங்களுக்குத் தெரியாதா? (லூக் 2:49-50) என்பதனைப் புரியாது " இந் நிகழ்ச்சிகளையெல்லாம் தனது உள்ளத்தில் பதித்து வைத்திருந்தார்" (லூக் 2:51).

கானா ஊரில் திராட்சை இரசம் தீர்ந்தபோது " அம்மா�� என் நேரம் இன்னும் வரவில்லையே (யோவான் 2:4) என்ற போது " அவர் உங்களுக்குச் சொல்வதெல்லாம் செய்யுங்கள்" (யோவான் 2:5) எனக்கட்டளையிடும் என்றுமே மரியாத அமல உற்பவியாக இன்றுமிருக்கிறாள்.

" நான் ஆண்டவரின் அடிமை. உமது சொற்படியே எனக்கு நிகழட்டும்" (லூக்கா 1:38) என்று அனைத்து மக்களுக்கும் மீட்பளிக்க வந்தவரைப் பெற்றெடுத்த அன்னையை " விண்ணகத்திலுள்ள என் தந்தையின் திருவுளத்தை நிறைவேற்றுபவரே என் தாயும் தந்தையும் ஆவார்" (மத்தேயு 12:50) என்றுரைத்து, அன்னை மரியாள் என்றுமே மரியாள் என்பதனை அவரது திருமகனே உறுதிப்படுத்துகிறார்.

திருவிவிலியத்தில், பழைய ஏற்பாட்டில் அன்னை மரியாவின் பங்களிப்பு நேரடியாக இடம் பெற்றிருக்கவில்லை � ஆயினும் ஆண்டவர் இயேசுவின் வாழ்விலும், ஆதித் திருச்சபையின் மீட்பின் வரலாற்றிலும் அன்னை மரியா நேரடியாகத் தலையிட்டு, உன்னத நிலையை வகித்துள்ளாரென இறையியல் வல்லுனர்கள் மற்றும் நற்செய்தி ஆய்வாளர்கள் கருதுகின்றனர்.

எல்லாம் வல்ல இறைவனின் " என்றுமே மரியாத அன்னை மரியா" கல்வாரியில், கழுமரத்தினடியில் நம்மனைவருக்கும் தாயாகக் கொடுக்கப்பட்டவள் - அலைபாயும் மனதுக்கு ஆறுதல் தரும் அடைக்கல நாயகியாக � அன்றாட வாழ்விற்கு வழிகாட்டும் சதாசகாயத் தாயாக � தொல்லைகள் வரும்போது தோள் கொடுத்து, மீட்பின் அன்னையாக நம்மோடு வாழ்பவள்.

சகல படைப்புக்களிலும் மேலான � அருள் நிறைந்தவராக � பெண்களுக்குள் ஆசீர்வதிக்கப்பட்டவராக � தாயின் வயிற்றில் கருவாகி உருவாகு முன்னரே � இறை மகனுக்கே தாயாகும் பாக்கியவதியாக, இறைவனால் தேர்ந்து கொள்ளப்பட்டவரான " அமல உற்பவி அன்னை மரியா என்றுமே மரியாள்" .

அம்மா மரியே! அருள்மிகு தாயே! ஆதரித்தெம்மை அரவணைப்பாயே � ஆமென்.

துன்பங்கள் தோன்றிடும் வேளையிலே நீ துணை தந்து காத்திட வேண்டுமம்மா