|
|
29 ஜூன் 2019 |
|
|
பொதுக்காலம்
12ம் வாரம் - 1ம் ஆண்டு
|
=================================================================================
முதல் வாசகம் -
புனிதர்கள் பேதுரு, பவுல் - திருத்தூதர்கள் பெருவிழா
=================================================================================
திருவிழிப்புத் திருப்பலி
என்னிடம் உள்ளதை உமக்குக் கொடுக்கிறேன். நாசரேத்து இயேசு
கிறிஸ்துவின் பெயரால் எழுந்து நடந்திடும்.
திருத்தூதர் பணிகள் நூலிலிருந்து வாசகம் 3: 1-10
ஒரு நாள் இறைவேண்டல் செய்யும் நேரமாகிய பிற்பகல் மூன்று மணிக்குப்
பேதுருவும் யோவானும் கோவிலுக்குச் சென்றனர். அப்பொழுது பிறவியிலேயே
கால் ஊனமுற்றிருந்த ஒருவரைச் சிலர் சுமந்துகொண்டு வந்தனர்.
கோவிலுக்குள் செல்பவரிடம் பிச்சை கேட்பதற்காக அவரை நாள்தோறும்
கோவிலின் `அழகு வாயில்' என்னுமிடத்தில் வைப்பர்.
அவர் கோவிலுக்குள் சென்று கொண்டிருந்த பேதுருவையும் யோவானையும்
கண்டு பிச்சை கேட்டார். பேதுருவும் யோவானும் அவரை உற்றுப்
பார்த்து, "எங்களைப் பார்" என்று கூறினர். அவர், ஏதாவது
கிடைக்கும் என்ற எதிர்பார்ப்புடன் அவர்களை ஆவலுடன் நோக்கினார்.
பேதுரு அவரிடம், "வெள்ளியும் பொன்னும் என்னிடமில்லை; என்னிடம்
உள்ளதை உமக்குக் கொடுக்கிறேன். நாசரேத்து இயேசு கிறிஸ்துவின்
பெயரால் எழுந்து நடந்திடும்" என்று கூறி, அவரது வலக்கையைப் பற்றிப்
பிடித்துத் தூக்கிவிட்டார். உடனே அவரது காலடிகளும் கணுக்கால்களும்
வலுவடைந்தன.
அவர் குதித்தெழுந்து நடக்கத் தொடங்கினார்; துள்ளி நடந்து, கடவுளைப்
போற்றியவாறே அவர்களோடு கோவிலுக்குள் சென்றார். அவர் நடப்பதையும்
கடவுளைப் போற்றுவதையும் மக்கள் அனைவரும் கண்டனர். அவர்கள் எல்லாரும்
கோவிலின் அழகு வாயில் அருகே பிச்சை கேட்டுக்கொண்டிருந்தவர் இவரே
என்று அறிந்துகொண்டனர்; நடந்ததைப் பார்த்துத் திகைப்பு மிகுந்தவராய்
மெய்ம்மறந்து நின்றனர்.
இது ஆண்டவர் வழங்கும் அருள்வாக்கு.
=================================================================================
பதிலுரைப்
பாடல்
-
திபா
19: 1-2. 3-4 (பல்லவி: 4a)
=================================================================================
பல்லவி: படைப்புகளின் அறிக்கை உலகெங்கும் சென்றடைகின்றது.
1 வானங்கள் இறைவனின் மாட்சிமையை வெளிப்படுத்துகின்றன; வான்வெளி
அவர்தம் கைகளின் வேலைப்பாட்டை விவரிக்கின்றது. 2 ஒவ்வொரு பகலும்
அடுத்த பகலுக்கு அச்செய்தியை அறிவிக்கின்றது; ஒவ்வோர் இரவும்
அடுத்த இரவுக்கு அதைப் பற்றிய அறிவை வழங்குகின்றது. பல்லவி
3 அவற்றுக்குச் சொல்லுமில்லை, பேச்சுமில்லை; அவற்றின் குரல்
செவியில் படுவதுமில்லை. 4 ஆயினும், அவற்றின் அறிக்கை உலகெங்கும்
சென்றடைகின்றது. அவை கூறும் செய்தி உலகின் கடையெல்லை வரை எட்டுகின்றது,
இறைவன் அங்கே கதிரவனுக்கு ஒரு கூடாரம் அமைத்துள்ளார். பல்லவி
இரண்டாம் வாசகம்
தாயின் வயிற்றில் இருந்தபோதே என்னைத் தமக்கென ஒதுக்கி வைத்துத்
தமது அருளால் என்னைக் கடவுள் அழைத்தார்.
திருத்தூதர் பவுல் கலாத்தியருக்கு எழுதிய திருமுகத்திலிருந்து
வாசகம் 1: 11-20
சகோதரர் சகோதரிகளே, உங்களுக்கு ஒன்று தெரிவிக்க
விரும்புகிறேன்: நான் உங்களுக்கு அறிவித்த நற்செய்தி மனிதரிடமிருந்து
வந்ததல்ல. எந்த மனிதரிடம் இருந்தும் நான் அதைப் பெற்றுக்கொள்ளவில்லை;
எந்த மனிதரும் அதை எனக்குக் கற்றுக்கொடுக்கவில்லை. மாறாக இயேசு
கிறிஸ்து அருளிய வெளிப்பாட்டின் வாயிலாக அது எனக்குக் கிடைத்தது.
நான் யூத நெறியைப் பின்பற்றி வந்த காலத்தில் எவ்வாறு நடந்து
கொண்டேன் என்பது பற்றி நீங்கள் கேள்விப்பட்டிருப்பீர்கள்.
கடவுளின் திருச்சபையை மிகக் கொடுமையாகத் துன்புறுத்தி ஒழிக்க
முயன்றேன். மூதாதையர் மரபுகளில் ஆர்வம் மிக்கவனாய் என் இனத்தவருள்
என் வயதினர் பலரை விட யூத நெறியில் சிறந்து விளங்கினேன். ஆனால்
தாயின் வயிற்றில் இருந்தபோதே என்னைத் தமக்கென ஒதுக்கி வைத்துத்
தமது அருளால் என்னை அழைத்த கடவுள், தம் மகனைப் பற்றிய நற்செய்தியைப்
பிற இனத்தவர்க்கு நான் அறிவிக்குமாறு அவரை எனக்கு வெளிப்படுத்தத்
திருவுளங்கொண்டார். அப்போது நான் எந்த மனிதரிடமும் போய்க் கலந்து
பேசவில்லை.
எனக்கு முன் திருத்தூதர்களாய் இருந்தவர்களைக் காண எருசலேமுக்குப்
போகவும் இல்லை. ஆனால் உடனே அரேபியாவுக்குச் சென்றேன். அங்கிருந்து
தமஸ்கு நகருக்குத் திரும்பினேன். மூன்று ஆண்டுகளுக்குப் பிறகுதான்
கேபாவைப் பார்த்துப் பேச எருசலேமுக்குப் போனேன். அங்கே பதினைந்து
நாள் அவரோடு தங்கியிருந்தேன். ஆண்டவரின் சகோதரரான யாக்கோபைத்
தவிர திருத்தூதருள் வேறு எவரையும் நான் போய்ப் பார்க்கவில்லை.
நான் உங்களுக்கு எழுதுவதில் பொய் ஒன்றுமில்லை; இதற்குக் கடவுளே
சாட்சி!
இது ஆண்டவர் வழங்கும் அருள்வாக்கு.
=================================================================================
நற்செய்திக்கு முன்
வாழ்த்தொலி
=================================================================================
யோவா 21: 17d
அல்லேலூயா, அல்லேலூயா! ஆண்டவரே உமக்கு எல்லாம் தெரியுமே! எனக்கு
உம்மீது அன்பு உண்டு என்பது நீர் அறியாத ஒன்றா? அல்லேலூயா.
=================================================================================
நற்செய்தி வாசகம்
=================================================================================
என் ஆட்டுக்குட்டிகளைப் பேணி வளர். என்
ஆடுகளைப் பேணி வளர்.
+யோவான் எழுதிய நற்செய்தியிலிருந்து வாசகம்
21: 15-19
அக்காலத்தில் இயேசு தம் சீடர்களுக்குத் தோன்றி, அவர்களோடு உணவருந்தியபின்
சீமோன் பேதுருவிடம், "யோவானின் மகன் சீமோனே, நீ இவர்களை விட
மிகுதியாக என்மீது அன்பு செலுத்துகிறாயா?" என்று கேட்டார்.
அவர் இயேசுவிடம், "ஆம் ஆண்டவரே, எனக்கு உம்மிடம் அன்பு உண்டு
என உமக்குத் தெரியுமே!" என்றார்.
இயேசு அவரிடம், "என் ஆட்டுக்குட்டிகளைப் பேணி வளர்" என்றார்.
இரண்டாம் முறையாக இயேசு அவரிடம், "யோவானின் மகன் சீமோனே, நீ
என்மீது அன்பு செலுத்துகிறாயா?" என்று கேட்டார்.
அவர் இயேசுவிடம், "ஆம் ஆண்டவரே, எனக்கு உம்மிடம் அன்பு உண்டு
என உமக்குத் தெரியுமே!" என்றார். இயேசு அவரிடம், "என் ஆடுகளை
மேய்" என்றார்.
மூன்றாம் முறையாக இயேசு அவரிடம், "யோவானின் மகன் சீமோனே, உனக்கு
என்னிடம் அன்பு உண்டா?" என்று
கேட்டார். "உனக்கு என்னிடம் அன்பு
உண்டா?' என்று இயேசு மூன்றாம் முறை கேட்டதால் பேதுரு துயருற்று,
அவரிடம், "ஆண்டவரே உமக்கு எல்லாம் தெரியுமே! எனக்கு உம்மீது
அன்பு உண்டு என்பது நீர் அறியாத ஒன்றா?" என்றார்.
இயேசு அவரிடம், "என் ஆடுகளைப் பேணி வளர். நீ இளைஞனாக இருந்தபோது
நீயே இடையைக் கட்டிக்கொண்டு உனக்கு விருப்பமான இடத்தில் நடமாடி
வந்தாய். உனக்கு முதிர்ந்த வயது ஆகும்போது நீ கைகளை விரித்துக்
கொடுப்பாய். வேறொருவர் உன்னைக் கட்டி, உனக்கு விருப்பம் இல்லாத
இடத்திற்குக் கூட்டிச்செல்வார் என உறுதியாக உனக்குச்
சொல்கிறேன்" என்றார்.
பேதுரு எவ்வாறு இறந்து கடவுளை மாட்சிப்படுத்தப் போகிறார் என்பதைக்
குறிப்பிட்டே அவர் இவ்வாறு சொன்னார். இதைச் சொன்னபின் பேதுருவிடம்,
"என்னைப் பின்தொடர்" என்றார்.
இது கிறிஸ்து வழங்கும் நற்செய்தி.
=================================================================================
மறையுரைச் சிந்தனை -
1
=================================================================================
புனிதர்கள்
பேதுரு, பவுல் - திருத்தூதர்கள் பெருவிழா 29 06 2019
திருவிழிப்புத் திருப்பலி ஜூன் 28-ஆம் நாள் மாலையில் இத்திருப்பலி
மாலைத்திருப்புகழ் 1-க்கு முன்போ பின்:பயன்படுத்தப்படும்.
வருகைப் பல்லவி
ஆண்டவரே, திருத்தூதரான பேதுருவும் பிற இனத்தாரின் போதகரான பவுலும்
உம் திருச்சட்டத்தை எங்களுக்குக் கற்றுத் தந்தனர்.
"உன்னதங்களிலே" சொல்லப்படும்.
திருக்குழும மன்றாட்டு
ஆண்டவரே எங்கள் இறைவா, திருத்தூதர்களான பேதுரு, பவுல் எனும்
புனிதர்களின் பரிந்துரைகளால் நாங்கள் உதவி பெற்றிட உம்மை
வேண்டுகின்றோம்: அவர்கள் வழியாக விண்ணகக் கொடைகளைத் தொடக்கத்தில்
உமது திரு அவைமீது பொழிந்தீரே; அதனால் அவர்கள் வழியாகவே
முடிவில்லா மீட்பின் உதவிகளை உமது திரு அவைக்கு வழங்குவீராக.
உம்மோடு. "நம்பிக்கை அறிக்கை" சொல்லப்படும்.
காணிக்கைமீது மன்றாட்டு
ஆண்டவரே, திருத்தூதர்களான பேதுரு, பவுல் எனும் புனிதர்களின்
பெருவிழாவைக் கொண்டாடுவதில் பெருமை கொள்ளும் நாங்கள் இக்காணிக்கைகளை
உமது திருப்பீடத்துக்குக் கொண்டு வருகின்றோம்; மீட்பு அடைய எங்களுக்கு
உள்ள தகுதியைக் குறித்து அச்சமுறும் நாங்கள் உமது கனிவிரக்கத்தால்
மீட்பு அடைவோம் என்பதில் மகிழ்ச்சியுறுவோமாக. எங்கள். தொடக்கவுரை:
அடுத்து வரும் திருப்பலியில் உள்ளபடி (பக். 757 - 760).
திருவிருந்துப் பல்லவி
காண். யோவா 21:15,17
யோவானின் மகன் சீமோனே, நீ இவர்களை விட மிகுதியாக என் மீது அன்பு
செலுத்துகிறாயா? ஆண்டவரே, உமக்கு எல்லாம் தெரியுமே; ஏனெ னில்
ஆண்டவரே, நான் உம்மை அ என் பு செய்கிறேன் என் பதை நீர் அறிந்திருக்கிறீர்.
திருவிருந்துக்குப்பின் மன்றாட்டு
ஆண்டவரே, திருத்தூதர்களின் படிப்பினையால் உம் நம்பிக்கையாளரை
ஒளிர்வித்தீரே; இவ்வாறு நாங்கள் விண்ணக அருளடையாளங்களால் ஆற்றல்
பெற அருள்புரிவீராக. எங்கள்.
சிறப்பு ஆசிக்கான வாய்பாடு பயன்படுத்தப்படலாம் (பக். 629 -
630).
பகல் திருப்பலி
வருகைப் பல்லவி
ஊனுடலில் வாழ்ந்தபோது தமது இரத்தம் சிந்தித் திரு அவையை நிறுவியவர்கள்
இவர்களே. ஆண்டவரின் கிண்ணத்தில் பருகி, இறைவனின் நண்பர்களானவர்களும்
இவர்களே,
""உன்னதங்களிலே" சொல்லப்படும்.
திருக்குழும மன்றாட்டு
இறைவா, திருத்தூதர்களான பேதுரு, பவுல் ஆகியோரின் வணக்கமும்
புனிதமும் நிறைந்த பெருவிழாவில் எங்களுக்குப் பேரின்பம் தந்துள்ளீரே;
அவர்களிடமிருந்தே உமது திரு அவை சமய வாழ்வைத் தொடக்கத்தில்
பெற்றுக்கொண்டது போல அவர்களின் படிப்பினைகளை எல்லாவற்றிலும் கடைப்பிடிக்க
அருள்புரிவீராக. உம்மோடு. "நம்பிக்கை அறிக்கை" சொல்லப்படும்.
காணிக்கைமீது மன்றாட்டு
. ஆண்டவரே, நாங்கள் உமது திருப்பெயருக்கு ஒப்புக்கொடுக்கும் பலிப்பொருளோடு
திருத்தூதர்களின் மன்றாட்டும் இணைந்து உம்மிடம் எழுவதாக; அவர்களின்
வேண்டலால் நாங்கள் இறைப்பற்றுடன் இப்பலியை ஒப்புக்கொடுக்கச்
செய்வீராக. எங்கள்.
தொடக்கவுரை: திரு அவையில் புனித பேதுரு, புனித பவுல் ஆகியோரின்
இரு வகைப் பணிகள்.
மு. மொ. : ஆண்டவர் உங்களோடு இருப்பாராக.
பதில் : உம் ஆன்மாவோடும் இருப்பாராக.
மு. மொ. : இதயங்களை மேலே எழுப்புங்கள்.
பதில் : ஆண்டவரிடம் எழுப்பியுள்ளோம்.
மு. மொ: : நம் இறைவனாகிய ஆண்டவருக்கு நன்றி கூறுவோம்.
பதில் : அது தகுதியும் நீதியும் ஆனதே.
ஆண்டவரே, தூயவரான தந்தையே,
என்றுமுள்ள எல்லாம் வல்ல இறைவா,
எந்நாளும் எவ்விடத்திலும் நாங்கள் உமக்கு நன்றி செலுத்துவது
மெய்யாகவே தகுதியும் நீதியும் ஆகும்;
எங்கள் கடமையும் மீட்புக்கு உரிய செயலும் ஆகும்.
ஏனெனில் உமது திருவுளப்படி, திருத்தூதர்களான புனித பேதுருவும்
புனித பவுலும் எங்களை மகிழ்விக்கின்றனர்: பேதுரு நம்பிக்கையை
அறிக்கையிடுவதில் முதன்மையானவராகத் திகழ்ந்து, இஸ்ரயேலில் எஞ்சினோரைக்
கொண்டு தொடக்கத் திரு அவையை ஏற்படுத்தினார்; பவுல் அந்நம்பிக்கையை
உய்த்துணர்ந்து தெளிவாகப் போதித்து அழைக்கப்பட்ட பிற இனத்தாருக்கு
ஆசிரியராகவும் போதகராகவும் விளங்கினார்.
இவ்வாறு வெவ்வேறு முறையில் கிறிஸ்துவின் ஒரே குடும்பத்தை உருவாக்கிய
அவர்கள் ஒன்றாக வெற்றி வாகை சூடி, உலகம் எங்கும் வணக்கம்
பெறுகின்றார்கள்.
ஆகவே புனிதர், வானதூதர் அனைவரோடும் சேர்ந்து நாங்கள் உம்மைப்
புகழ்ந்தேத்தி முடிவின்றிச் சொல்வதாவது:
தூயவர்.
திருவிருந்துப் பல்லவி
காண். மத் 16:16,18 பேதுரு இயேசுவிடம், "நீர் மெசியா, வாழும்
கடவுளின் மகன் " என்று உரைத்தார். அதற்கு இயேசு, "நீ பேதுரு;
இந்தப் பாறையின்மேல் என் திருச்சபையைக் கட்டு வேன்" என்று மறுமொழி
கூறினார்.
திருவிருந்துக்குப்பின் மன்றாட்டு
ஆண்டவரே, இத்திரு உணவால் நாங்கள் ஊட்டம் பெற்றுள்ளோம்; அதனால்
அப்பம் பிடு வதிலும் திருத்தூதர் கற்பித்தவற்றிலும் நிலைத்து
நின்று, உமது அன்பால் உறுதி பெற்று ஒரே இதயமும் ஒரே ஆன்மாவும்
கொண்டவர்களாய் உமது திரு அவையில் வாழ்வோமாக. எங்கள்.
சிறப்பு ஆசிக்கான வாய்பாடு பயன்படுத்தப்படலாம் (பக். 629 -
630).
புனித பேதுரு, புனித பவுல் ஆகியோரின் நேர்ச்சித் திருப்பலி (பக்.
1183) அல்லது (பக். 1184).
=================================================================================
மறையுரைச்
சிந்தனை - 2
=================================================================================
Fr. Maria Antonyraj, Palayamkottai.
- மறைத்திரு. மரிய அந்தோணிராஜ், பாளையங்கோட்டை மறைமாவட்டம்.
=================================================================================
மறையுரைச் சிந்தனை -
3
=================================================================================
- மறைத்திரு. மரிய அந்தோணிராஜ், பாளையங்கோட்டை மறைமாவட்டம்.
=================================================================================
மறையுரைச் சிந்தனை -
4
=================================================================================
=================================================================================
மறையுரைச் சிந்தனை -
5
=================================================================================
|
|
ஆன்மீக குரு
தொடர்பு
நிகழ்வுகள்
இணைப்புக்கள்