இறைவனில் சங்கமம்

தியானப் பாடல்கள்

392-காத்திருக்கும் கண்களுக்கு

காத்திருக்கும் கண்களுக்கு காட்சியாகக்
காலமெல்லாம் நீ வேண்டும் இயேசுநாதா (2)

இதயத்தின் துடிப்பினிலே எந்நாளும் - உன்
இதமான பெயர் என்றும் கேட்க வேண்டும் (2)
பருவத்தின் காலங்கள் எல்;லாம் நான் - உன்
உருவத்தின் எழில் ஒன்றே காண வேண்டும் (2)

நிலையற்ற இன்பங்கள் நான் மறந்து - உன்
நினைவாக எந்நாளும் வாழவேண்டும் (2)
குறையற்ற செல்வத்தை நான் இன்று - என்
கறைபட்ட இதயத்தில் ஏந்த வேண்டும் (2)

முறையில்லா வாழ்வினை நான் துறந்து
முறையான உன் பாதை போக வேண்டும் (2)
வரையில்லா உன் அன்பு ஆழ்கடலில்
கரையோரம் எந்நாளும் வாழவேண்டும் (2)

இன்னல் தீர்த்து நிறை நன்மை சேர்க்கும் செபமாலையை எமக்குத் தந்தாய்