இறைவனில் சங்கமம்

தூய ஆவியானவர் பாடல்

1370-தூய ஆவியே அபிஷேக

தூய ஆவியே அபிஷேக நெருப்பே
திருமுழுக்கால் இப்போ என்னை நிரப்பும் (2)
வல்லமையின் ஆவியாரே என் மேலே - 2
அருட்பொழிவால் இப்போ என்னை நிரப்பும் - 2

வாழ்வு தரும் ஜீவத்தண்ணீர் ஊற்றாய் எழும்பட்டும்
துன்பத்தில் தளராமல் நிலைத்து நிற்க (2)
இரட்சகர் என் வாழ்வில் வரவேண்டும்
இரட்சிப்பை நான் இன்று காண வேண்டும்
எதிர் நோக்கி இருப்பதில் மகிழ்ச்சி தாரும் - 2

அனைத்தையும் கற்றுத் தாரும் தூய ஆவியே
அனைத்தையும் நினைவூட்டும் ஞான ஆவியே (2)
வரப்போகும் உண்மையை வெளிப்படுத்தும்
நிறை உண்மை நோக்கி வழி நடத்தும்
அருள் ஆட்சி வாழ்வு வாழ வேண்டும் - 2

அப்பா தந்தாய் அப்பா தந்தாய் என்று அழைக்க
கடவுளின் பிள்ளையாய் சான்று பகர (2)
வலுவற்ற நிலையில் துணை நிற்பாய்
பெரு மூச்சாய் எனக்காய் பரிந்துரைப்பாய்
இறை வேண்டுதலில் நிலைத்து நிற்க - 2

இன்னல் தீர்த்து நிறை நன்மை சேர்க்கும் செபமாலையை எமக்குத் தந்தாய்