| 1. நீதித் தலைவர்கள் என்பவர்கள் யாராக இருந்தார்கள்? இவர்கள் வலிமைமிகு வீரர்களாகவும் படைத்தலைவர்களாகவும் ஆளுநர்களாகவும் இருந்தார்கள். 2. யோசுவாவிற்கு அடுத்தபடியாக இஸ்ராயேலை வழிநடத்த நியமிக்கப்பட்டவர் யார்? யூதா (1:2). 3. யூதாவிற்கு உதவியாக அவருடன் யாரை கூட்டிச் சென்றார்? தம் சகோதரராகிய சிமியோனை (1:3). 4. பெசக்கில் நடந்த போரினால் ஆனதென்ன? 10,000 கானானியரும் பொரிசியரும் தோற்கடிக்கப்பட்டு கொல்லப்பட்டனர் (1:4). 5. இஸ்ராயேல், அதோனிபெசக்கை பிடித்து என்ன செய்தனர்? அவரது கை, கால்களின் பெருவிரல்களை துண்டித்தனர் (1:7). 6. அதோனிபெசக்கின் கை, கால்களின் பெருவிரல்கள் துண்டிக்கப்பட்டபோது அவர் கூறியது என்ன? 'நான் செய்தவாறே கடவுள் எனக்கு செய்துள்ளார்" என்றார் (1:7). 7. யூதா எருசலேமை கைப்பற்றினாரா? ஆம் அதைக் கைப்பற்றி வாள்முனையால் மக்களை வெட்டி வீழ்த்தி நகரை நெருப்புக்கு இரையாக்கினார் (1:8). 8. லுர்சு என்னும் நகரை கட்டியவர் யார்? இஸ்ராயேலர்களுக்கு பெத்தேலின் நுழைவாயிலை கட்டியவர் (1:24). 9. ஆண்டவாரின் தூதர் இஸ்ராயேல் மக்களுக்கு தோன்றியது எங்கே? பொக்கிம் (2:1). 10. கடவுள் இஸ்ராயேலை மெசப்பொத்தாமியா மன்னனிடம் எட்டாண்டுகள் ஒப்படைத்தது ஏன்? ஏனெனில் அவர்கள் பாகாலுக்கு ஊழியம் செய்தனர் (3:7). 11. இஸ்ராயேல் மக்கள் மோவாபின் மன்னனுக்கு எத்தனை ஆண்டுகள் அடிமைகளாக இருந்தனர்? 18 ஆண்டுகள் (3:14). 12. மோவாபு மன்னனை கொன்று இஸ்ராயேல் மக்களை விடுதலை செய்தது யார்? ஏகூது (3:15) 13. மோவாப் மன்னனின் இறப்பிற்கு பிறகு இஸ்ராயேல் மக்கள் எத்தனை ஆண்டுகள் அமைதியாக இருந்தனர்? 80 ஆண்டுகள் (3:30). 14. ஏகூது இறந்தபிறகு இஸ்ராயேல் மக்கள் என்ன செய்தனர்? அவர்கள் மீண்டும் பாகாலை வழிபட்டனர் (4:1). 15. தெபோரா என்பவர் யார்? இஸ்ராயேலருக்கு இறைவாக்கினரும், நீதித்தலைவியுமாக இருந்தவர் (4:4). 16. தெபோரா காலத்தில் கானானியர்களின் தலைவராக இருந்தவர் யார்? சீசரா (4:12). 17. சீசராவிடம் இருந்த இரும்புத் தேர்கள் எத்தனை? 900 (4:13). 18. சீசராவுக்கு எதிராக போர்புர்ரிந்தவர்கள் யார்? பாராக்கும், அவருடைய 10,000 பேரும் (4:14). 19. சீசராவைக் கொன்றது யார்? எபோரின் மனைவி யாவேல் (4:21). 20. சீசரா இறந்த பிறகு இஸ்ராயேலர் எத்தனை ஆண்டுகள் அமைதியாக வாழ்ந்தனர்? 40 ஆண்டுகள் (5:31). 21. கிதியோனுக்கு ஆண்டவாரின் தூதர் எங்கு தோன்றினார்? ஒபிரா (6:11-12). 22. கடவுள் கிதியோனுக்க கூறியது என்ன? மிதியானியாரின் கையிலிருந்து இஸ்ராயேலரை விடுவிக்குமாறு கூறினார் (6:14). 23. அதற்கு கிதியோன் என்ன செய்தார்? தன் தந்தையால் கட்டப்பட்ட பாகாலின் பலி பீடத்தை தகர்த்தெறிந்தார் (6:30). 24. கிதியோனின் போர்வீரர்களில் எத்தனைபேர் விட்டுக்குத் திருப்பி அனுப்பப்பட்டனர்? 22,000 பேர் (7:3). 25. மிதியானியரை எதிர்த்து போராட கிதியோனோடு எத்தனைபேர் சென்றனர்? 300 பேர் (7:7). 26. கிதியோனின் வேலையாள் பெயர் என்ன? பூரா (7:10). 27. கிதியோனும் அவருடைய வேலையாளும் எதிரிகளின் பாளையத்திற்கு சென்றடைந்தபோது அவர்கள் கேட்டது என்ன? கனவையும் அதன் பொருளையும் அவனை கூறக் கேட்டார்கள் (7:15). 28. படைவீரனின் கனவு என்ன? வட்டமான ஒரு வாற்கோதுமை அப்பம் மிதியானியாரின் பாளையத்திற்குள் சுழன்று வந்தது (7:13). 29. இக்கனவின் அர்த்தம் என்ன? கிதியோனின் வாள் மிதியானோரை அழித்துவிடும்(7:14). 30. கிதியோன் தன் 300 போர்வீரர்களின் கையில் என்ன கொடுத்தார்? எக்காளங்களையும், காலிப் பானைகளையும், அந்தப் பானைகளுக்குள் வைக்க நெருப்புப் பந்தங்களையும் கொடுத்தார் (7:16). 31. கிதியோனின் 300 போர்வீரர்களும் என்ன செய்தார்கள்? அவர்கள் பாளையத்தை சுற்றிலும் எக்காளம் ஊதிக்கொண்டு ஆண்டவருக்காக! கிதியோனுக்காக! என்று முழங்கினர் (7:20). 32. மிதியானியாரின் வீரர்களுக்கு என்ன ஆனது? ஒவ்வொருவனும் மற்றவன் மீது வாள் வீசி இறந்தனர்(7;:22). 33. அன்று மொத்தம் இறந்த போர் வீரர்கள் எத்தனை? 1,20,000 போர் வீரர்கள் (8:11). 34. கிதியோனால் பிடிக்கப்பட்ட இரு மிதியான் மன்னர்கள் யார்? செபாகு, சல்முன்னா (8:21). 35. கிதியோன்; சுக்கோத்து, பெனுவேல் இவ்விரு நகரங்களையும் தண்டிக்க காரணம் என்ன? இவ்விரு நகரங்களும் அவருக்கு பின்னே வருபவர்களுக்கு உணவு கொடுக்க மறுத்ததினால்(8:5லி9). 36. மிதியானாரின் மன்னர்களை கொலை செய்ய யாருக்கு கட்டளையிடப்பட்டது? தம் தலைமகன் எத்தேருக்கு (8:20) 37. எத்தேர் மன்னர்களை கொலை செய்ய மறுத்தது ஏன்? ஏனெனில் அவன் சிறுவனாக இருந்தான் (8:20). 38. இஸ்ராயேலர் கிதியோனிடம் கேட்டது என்ன? அவர்களுடைய மன்னராக இருக்கும்படி கேட்டனர் (8:22). 39. கிதியோனின் பதில் என்ன? நான் உங்களை ஆளமாட்டேன் என் மகனும் உங்களை ஆளமாட்டான். ஆண்டவரே உங்களை ஆள்வார் (8:23). 40. கிதியோனுக்கு மொத்தம் எத்தனை புதல்வர்கள் இருந்தனர்? 70 பேர் (8:30). 41. அபிமெலக்கு என்பவர் யார்? எருபாகாலின் மகன். 42. அபிமெலக்கு இஸ்ராயேல் மன்னனாக ஆனது எப்படி? தனது எழுபது சகோதரர்களையும் கொன்று மன்னனாக ஆனான் (9:6). 43. இந்த எழுபது போரில் யாராவது தப்பித்தாரா? ஆம் கடைசி சகோதரன் மட்டும் ஒளிந்து கொண்டதால் தப்பித்தான் (9:5). 44. யோத்தாம் அபிமெலக்கை எங்கிருந்து சபித்தான்? கொரிசிம் மலையிலிருந்து (9:7). 45. அபிமெலக்கு இஸ்ராயேல் மக்கள் மீது எத்தனை ஆண்டுகள் ஆட்சிபுரிந்தார்? 3 ஆண்டுகள் (9:22). 46. அபிமெலக்கு எவ்வாறு இறந்தான்? அபிமெலக்கு தெபேசு நகரை கைப்பற்ற சென்றபொழுது ஒருபெண் அரைக்கும் கல் கொண்டு அவனைச் சாகடித்தார் (9:53). 47. தான் சாகும்பொழுது அபிமெலக்கு படைக்கலம் தாங்கியிருந்த பணியாளனிடம் கூறியது என்ன? 'உன் வாளை உருவி, ஒரு பெண் அவனைக் கொன்றாள்! என்று என்னைப் பற்றி சொல்லாதபடி என்னைக் கொன்றுவிடு" என்றார் (9:54). 48. அபிமெலக்குக்குப் பின் இஸ்ராயேல் மன்னராக நியமிக்கப்பட்டவர் யார்? தோலா (10:1). 49. தோலா எத்தனை வருடங்கள் நீதித் தலைவராக இருந்தார்? 23 ஆண்டுகள் (10:2). 50. தோலாவுக்குப் பின் ஆட்சிபுரிந்தது யார்? யாயீர் (10:3). 51. இப்தா என்பவர் யார்? இவர் ஒரு விலைமாதின் மகன் (11:1). 52. இப்தா தன்னுடைய தந்தையின் வீட்டிலிருந்து துரத்தப்பட்டது ஏன்? அவ்வீட்டில் அவருக்குப் பங்கு இல்லாததாலும் வேறொரு பெண்ணின் மகனாயிருந்ததாலும் (11:2). 53. இப்தா தன் தந்தையின் வீட்டிலிருந்து வெளியேறிய பிறகு எங்கு வாழ்ந்து வந்தார்? தோபு நாட்டில் (11:3). 54. இப்தா அம்மோனியருக்கு எதிராகப் போரிடச் சென்றபோது ஆண்டவருக்கு அவர் அளித்த வாக்கு என்ன? அம்மோனியாரிடமிருந்து வெற்றியோடு திரும்பும்பொழுது யார் என்னைச் சந்திக்க என்வீட்டு வாயிலிலிருந்து புறப்பட்டு வருகின்றாரோ, அவர் ஆண்டவருக்கு உரியவர் அவரைக் கொண்டு வந்து எரிபலியாக்குவேன்(11:31) 55. இவ்வாறு அவர் வெற்றியோடு வீடு திரும்பும்போது அவர் யாரை சந்தித்தார்? அவருடைய மகள் (11:34). 56. தன் தந்தையிடம் அவள் வேண்டியது என்ன? 'இரண்டு மாதங்கள் என்னைத் தனியாக விடுங்கள் நான் மலைகளில் சுற்றித் திரிந்து எனது கன்னிமை குறித்து என் தோழியருடன் துக்கம் கொண்டாடுவேன்" (11:37). 57. இரண்டு மாதங்களுக்கு பிறகு என்ன ஆனது? தாம் செய்திருந்த நேர்ச்சையின்படி அவளுக்கு செய்தார் (11:39). 58. இப்தாவின் புதல்வியின் இறப்பை இஸ்ராயேல் மகளிர் எப்படி நினைவு கூர்ந்தனர்? ஆண்டுதோறும் நான்கு நாட்கள் துக்கம் கொண்டாடினார்கள் (11:40). 59. இப்தா எத்தனை ஆண்டுகள் ஆட்சி புரிந்தார்? ஆறு ஆண்டுகள் (12:7). 60. இப்தாவுக்குப் பிறகு இஸ்ராயேலை ஆட்சி செய்தவர் யார்? இப்சான் (12:8). 61. சிம்சோனின் தந்தை பெயர் என்ன? மனோவாகு (13:22). 62. ஆண்டவரின் தூதர் மனோவாகுவின் மனைவியிடம் கூறியது என்ன? 'நீ கருவுற்று ஒரு மகனைப் பெற்றெடுப்பாய் சவரக்கத்தி அவன் தலைமீது படக்கூடாது" (13:5). 63. சிம்சோன் முதலில் யாரை மணந்தார்? பெலிஸ்திய மகளிருள் ஒருவரை (14:2). 64. திமினாவில் கண்ட சிங்கக்குட்டியை சிம்சோன் எவ்வாறு கொன்றார்? அவர் தன்னுடைய வெறுங்கையால் இரண்டாக கிழித்தார் (14:6). 65. சிம்சோன் தன் மனைவி வீட்டாரிடம் கேட்ட விடுகதை என்ன? 'உண்பவனிடமிருந்து உணவு வெளிவந்தது, வலியவனிடமிருந்து இனியது வந்தது" (14:14). 66. அவர்கள் இவ்விடுகதைக்கு விடை எப்படி கண்டுபிடித்தார்கள்? சிம்சோனின் மனைவியின் மூலமாக (14:17). 67. இவ்விடுகதையின் விடை என்ன? தேனும், சிங்கமும் (14:18). 68. சிம்சோனின் மனைவி யாருக்கு மனைவியாகக் கொடுக்கப்பட்டது? அவருடைய தோழனுக்கு (15:2). 69. சிம்சோன் கழுதையின் தாடை எலும்பைக் கொண்டு எத்தனை பிலிஸ்தியரைக் கொன்றார்? 1000 பேரை (15:15). 70. இலேகியில் நடந்தது என்ன? கடவுள் ஒரு நிலப்பிளவிலிருந்து சிம்சோனுக்கு தண்ணீர் கொடுத்தார் (15:19). 71. சிம்சோன் எத்தனை ஆண்டுகள் இஸ்ராயேலுக்கு நீதித் தலைவராக இருந்தார்? 20 ஆண்டுகள் (15:20). 72. சிம்சோன் காசாவிலிருந்து எப்படி தப்பினார்? அவர் நள்ளிரவில் எழுந்து நகர்வாயில் கதவுகளைப் பிடுங்கி தோள்களின்மீது வைத்துக் கொண்டு தப்பினார் (16:3). 73. சோரேக்குப் பள்ளத்தாக்கில் சிம்சோன் மணந்தது யாரை? தெலீலா (16:4). 74. சிம்சோனை அழிப்பதற்காக, பெலிஸ்தியச் சிற்றரசர்கள் தெலீலாவுக்கு எவ்வளவு காசு கொடுத்தனர்? 1,100 வெள்ளிக்காசு (16:5). 75. சிம்சோனின் பெரும் வலிமையின் இரகசியம் என்ன? சவரக் கத்தியே படாத அவரது தலைமுடி, அவரது தலை மழிக்கப்பட்டால் அவரது ஆற்றல் அகன்றுவிடும் (16:17). 76. சிம்சோன் எவ்வாறு ஏமாற்றப்பட்டார்? தெலீலா, அவரை தன் மடியில் தூங்கவைத்து, ஓர் ஆளைக் கூப்பிட்டு அவருடைய தலையின் ஏழு மயிர்க்கற்றைகளையும் மழித்தான். பெலிஸ்த்தியர்கள் அவரைப் பிடித்தனர் (16:19). 77. சிறைபிடிக்கப்பட்ட சிம்சோனை பிலிஸ்தியர் என்ன செய்தனர்? அவர் கண்களைத் தோண்டி எடுத்துவிட்டு சிறையில் அரைக்கும் வேலைக்கு அவரை உட்படுத்தினர் (16:21). 78. சிறையிலிருந்து சிம்சோனை வெளியில் கொண்டுவர காரணம் என்ன? மக்களுக்கு வேடிக்கை காட்டுவதற்காக (16:25). 79. சிம்சோனைப் பார்க்க கூடியிருந்தோர் எத்தனை பேர்? ஏறக்குறைய 3000 பேர் (16:27). 80. அங்கு கூடியிருந்த மக்களை சிம்சோன் எவ்வாறு கொன்றான்? அந்த வீட்டை தாங்கிநின்ற நடுத்தூண்களையும் கீழேசாய்த்து அவர்களை கொன்றார் (16:29-30). 81. சிம்சோனும் அவர்களோடு இறந்தாரா? ஆம் (16:31). 82. பென்யமின் மக்களுக்கு எதிராக போர்தொடுக்க இஸ்ராயேலரை வழி நடத்தியது யார்? யூதா (20:18). 83. இந்தப் போருக்குப் பிறகு இஸ்ராயேலாரின் நிலமை எப்படி இருந்தது? இஸ்ராயேலுக்கு அரசன் இல்லாததால் ஒவ்வொருவரும்அவரவர் பார்வையில் நேர்மையெனப்பட்டதை செய்து கொண்டிருந்தனர் (21:25). |
ஆன்மீக குரு
தொடர்பு
நிகழ்வுகள்
இணைப்புக்கள்