Horizontal CSS3 Menu Tutorial Css3Menu.com

 விவிலியத்தை அறிவோம்

(6)  யோசுவா

 
1. யோசுவா என்பவர் யார்?
     நூனின் மகனும் மோசேயின் உதவியாளரும் (1:1).

2. ஆண்டவர் யோசுவாவிடம் கூறியது என்ன?
     புறப்பட்டு யோர்தானை கடந்து செல்லுமாறு கூறினார் (1:2).

3. யோசுவா இரண்டு ஒற்றர்களை எங்கே அனுப்பினார்?
     எரிக்கோ நகருக்கு (2:1).

4. இவ்விரு ஒற்றர்களும் எங்கே தங்கியிருந்தார்கள்?
    இராகாபு என்ற விலைமாதின் வீட்டில் (2:1).

5. இஸ்ராயேல் ஒற்றர்களை பிடிக்கவந்த ஆட்களிடம் இராகாபு செய்தது என்ன?
   அவர்களை ஒளித்து வைத்தார் (2:6).

6. இராகாபு தன்னுடைய குடும்பத்தாரை வாழவிடுமாறு ஒற்றர்களை கேட்டபோது  
    அவர்கள் அவருக்கு வாக்களித்தது என்ன?

     நாங்கள் உங்களுக்கு இரக்கம்  காட்டுவோம், நம்பிக்கையூடன் நடந்து 
     கொள்வோம் என்றனர் (2:14).

7. ஒற்றர்கள் இராகாபுக்கு அடையாளமாக கொடுத்தது என்ன?
     சிகப்புக் கயிற்றை சன்னலில் கட்டி வைக்குமாறு கூறினார்கள் (2:18).

8. லேவியக் குருக்கள் உடன்படிக்கை பேழையை தூக்கி யோர்தானை கடக்கும் 
     போது நடந்தது என்ன?

    யோர்தான் தண்ணீர் இரண்டாக பிரிந்து நின்றது (3:15).

9. மக்கள் யோர்தானை எவ்வாறு கடந்தனர்?
     வரண்ட தரை வழியாக கடந்தனர் (3:17).

10. யோர்தான் கரையிலிருந்து பன்னிரு கற்களை எடுத்துச் செல்லுமாறு  
      ஆண்டவர் கட்டளையிட்டது ஏன்?

      யோர்தானில் நடந்த புதுமையை நினைவுட்டுவதற்காக (4:7).

11. இவ்வாறு கொண்டுவந்த பன்னிரு கற்களை எங்கே நிலைநாட்டினர்?
      கில்காலில் நாட்டினர் (4:20).

12. கானானியர்கள் கலக்கமுற்றது ஏன்?
      ஆண்டவர் இஸ்ராயேலர் கண்முன் அவர்கள் கடக்கும்வரை யோர்தான் நீரை  
      வற்றச் செய்ததை நினைத்து கலக்கமுற்றனர் (5:1).

13. மக்களுக்கு மன்னா வழங்குவது எப்போது நிறுத்தப்பட்டது?
      நிலத்தின் விளைச்சலை உண்ட மறுநாளிலிருந்து மன்னா நின்றது (5:12).

14. எரிகோவில் யோசுவா முன் தோன்றியது யார்?
      ஆண்டவரின் படைத்தலைவன் (5:14).

15. எரிகோவின் மதில்கள் எவ்வாறு இடிந்து விழுந்தன?
      மக்களை பேரொளி எழுப்பியாதால் மதில்கள் இடிந்து விழுந்தன (6:20).

16. எரிகோ நகர் மக்களுக்கு ஆனது என்ன?
      அனைவரும் சாகடிக்கப்பட்டனர் (6:21).

17. யார் யாரெல்லாம் காப்பாற்றப்பட்டனர்?
      இராகாபும் அவரது குடும்பத்தினரும் (6:25).

18. ஆண்டவர் எரிகோவில் மக்கள் மீது சினம் கொண்டதேன்?
       யூத குலத்தைச் சார்ந்த ஆக்கான் என்பவன் அழிவுக்குரியவற்றிலிருந்து 
       சிலவற்றைக் கவர்ந்துகொண்டதால் (7:1)

19. ஆக்கானின் பாவத்தால் இஸ்ராயேல் மக்களுக்கு ஏற்பட்டது என்ன?
    ஆயிநகரை கைப்பற்ற முடியவில்லை. மேலும் 36பேர் கொல்லப்பட்டனர் (7:4-5).

20. ஆக்கான் தண்டிக்கப்பட்டது எங்கே?
      ஆக்கான் பள்ளத்தாக்கில் (7:24-25).

21. ஆக்கான் எவ்வாறு தண்டிக்கப்பட்டான்?
      இஸ்ராயேல் மக்கள் அனைவரும் அவரைக் கல்லால் எறிந்து கொன்றனர் 7:25)

22. ஆயி நகரை கைப்பற்ற யோசுவா எத்தனை போர்வீரர்களை அனுப்பினார்?
       30,000 போர்வீரர்களை (8:3).

23. ஆயி நகாரில் கொலைசெய்யப்பட்ட மொத்த மக்களின் எண்ணிக்கை என்ன?
       12,000 (8:25).

24. ஆயி மன்னனுக்கு நேர்ந்தது என்ன?
      அவரைத் தூக்கிலேற்றினர் (8:29).

25. கிபயோனியர் செய்தது என்ன?
     அவர்கள் இஸ்ராயேல் மக்களோடு சமாதானம் செய்து கொண்டனர் (9:25).

26. ஐந்து மன்னர்கள் ஒன்றுகூடி கிபயோனுக்கு எதிராக போர்தொடுத்தது ஏன்?
      அவர்கள் இஸ்ராயேலுடன் சமாதானம் செய்து கொண்டதால் (10:1).

27. கிபயோனுக்கு உதவியாக யோசுவா சென்றாரா?
     ஆம் (10:7).

28. யோசுவா, இந்த ஐந்து மன்னர்களையும் தண்டித்தது எப்படி?
       அவர்களை வாளால் வெட்டிக் கொன்று ஐந்து மரங்களில் தொங்கவிட்டார்
        (10:26).

29. யோசுவா மொத்தம் எத்தனை மன்னர்களை அழித்தார்?
       31 மன்னர்களை (12:24).

30. காலேபுக்கு கிடைத்த பங்கு என்ன?
       எபிரோன் (15:13).

31. காலேபு  தம் மகள் அக்சாவை தன் சகோதராரின் மகனுக்கு மனைவியாக 
      கொடுத்தது ஏன்?

      ஏனெனில் கிரியத்து சேபேரைக் கைப்பற்றுபவருக்கு தன்னுடைய மகளை  
       மனைவியாகத் தருவதாக வாக்களித்திருந்தார் (15:76).

32. யோசுவா இஸ்ராயேலின் எல்லாக் குலங்களையும் ஒன்று கூட்டிய இடம் எது?
      செக்கேம் (24:1).

33. யோசுவா இறக்கும்போது அவருக்கு வயது என்ன?
      110 வயது (24:29).

34. அவரை எங்கே அடக்கம் செய்தனர்?
      திம்னத் செரா (24:30).

35. இஸ்ராயேல் மக்கள் எகிப்திலிருந்து கொண்டுவந்த யோசேப்பின்எலும்புகளை 
      எங்கே புதைத்தனர்?

       செக்கேமில் உள்ள ஒரு நிலப்பகுதியில் (24:32).
 

லூர்துநகர் திருத்தலத்தில் வீற்றிருக்கும் அன்னையே!
வேண்டும் வரம் தந்திடுவாய்! எம் வேதனைகள் தீர்த்திடுவாய்!