| புனிதவாரப்பாடல்கள் | என்னை நேசிக்கின்றாயா | சிலுவைப் பாதை |
|
என்னை நேசிக்கின்றாயா - 2 கல்வாரி காட்சியை கண்ட பின்னும் நேசியாமல் இருப்பாயா? - 2 உம்மை நேசிக்கின்றேன் நான் - 2 கல்வாரி காட்சியை கண்ட பின்னும் நேசியாமல் இருப்பேனா? - 2 1. பிலாத்துவின் அரண்மனையில் - நீர் சிலுவைக்கு தீர்ப்பானீர் - 2 (என்) பாவத்தின் தீர்ப்புதான் அந்த சிலுவை - என்னை மன்னித்து ஏற்றுக்கொள்ளும் (உம்மை) 2. இயேசுவின் திருத்தோளில் - பார சிலுவையை சுமத்தினரே 2 (அதை) சுமக்க வைத்தது யூதரல்ல எந்தன் பாவத்தின் காரணம்தான்...... 3. பாரம் தாங்காமல் மன்னன் மண்ணில் வீழ்ந்தாரே -2 (இந்த) மானிடன் செய்த பாவங்களால் நீர் மண்ணில் சாய்ந்தீரோ 4. இயேசுவின் துன்ப நிலையை பெற்றத் தாய் கண்டு கதறுகிறாள் - 2 (ஓர்) ஆறுதலும் சொல்ல முடியானல் அன்னை தவித்தே நின்றழுதாள் 5. சிலுவையை சுமக்கையிலே பாரம் தாங்காமல் துடித்தீரே 2 (சீமோன்) உதவி செய்தது போல் நானும் உன் பாரம் தாங்கிடுவேன் 6. இரத்தமும் வேர்வையும் வழிந்தோடிய உம் முகத்தை -2 (அன்பில்) துடைத்த மாதின் சிறு துணியில் நிலையாய் உன் உருபதித்தாய் 7. இறைவா எனக்காக - மீண்டும் தரையில் விழுந்தீரே 2 (இம்) மானிடர் பாவம் போக்கிடவே அந்தோ எழுந்தே நடந்துவிட்டீர் 8. இயேசுவை பின் தொடர்ந்த பெண்கள் கூவி அழுதனரே - 2 (உங்கள்) பிள்ளைகளுக்காக அழுங்கள் என்று அன்பு கூறி வழி தொடர்ந்தீர் 9. மூன்றாம் முறை விழுகையிலே - இயேசு நடந்திட மெய் நொந்தார்-2 (கல்லும்) கரையும் காட்சியைக் கண்ட பின்னும் மனிதா மனம் மாற்றி கொள்ளாயோ 10. உறைந்த உம் ஆடைகளை வெகு கோரமாய் களைந்தனரே -2 (மேலும்) குருதி மடையாய் திறந்திடவே மெய் சிலிர்த்து நிற்பதை பார் 11. சுமந்த சிலுவையின் மேல் உன்னை சுமையாய் அறைந்தனரே - 2 (அந்த) வேதனை தாள முடியாமல் என் தேவன் கதறுகிறார் 12. இறைவனின் கரங்களிலே உமது ஆவியை ஈந்தீரோ - 2 (அன்று) இறைவன் உரைத்த அருள்வாக்கை இன்று நிறைவேற்றி வைத்தீரே 13. உயிரற்ற இறைமகனை - அன்னை மடியினில் தாங்கி கொண்டு - 2 (அந்த) வேதனை தாங்க முடியாமல் மனம் நொந்து அழுவதை பார் 14. மாற்றானின் கல்லறையில் - உடல் அடங்கி இருந்தீரே -2 (மூன்று) நாட்கள் முடியும் வேளையிலே நீர் உயிர் பெற்று எழுவீரே ... |
ஆன்மீக குரு
தொடர்பு
நிகழ்வுகள்
இணைப்புக்கள்