| புனிதவாரப்பாடல்கள் | 1555-மைந்தனார் சிலுவை மீது | தூய வெள்ளி |
|
மைந்தனார் சிலுவை மீது மாதுயருடன் வருந்த நொந்தழுதாள் தாய் மரி 1- திருமகன் அறையுன்ட சிலுவை அடியில் நின்ற தேவதாய் நொந்தழுதாள். 2- வேதனைக் கடலமிழ்ந்த மாதா ஆத்துமம் வதைய வாள் பாய்ந்தூடுருவிற்று 3- நேய மகனை இழந்த தாய் அனுபவித்த துயர் தானுரைக்க நாவுண்டோ 4- அருமையாய் ஈன்ற சுதன் அவஸ்தையைக் கண்டிழகி உருகிப் புலம்பினாள். 5- இரட்சகர் தம் திருத்தாயார் இக்கொடிய வாதைப்பட யார் கண்டழாதிருப்பார் 6- திருமகன் துயரத்தால் உருகும் தாயைக் கண்டுள்ளம் கரையாதார் யாருண்டு 7- அன்புள்ள தன் திருமகன் துன்பதுயர் அவஸ்தையுள் தன் சீவன் தரக்கண்டாள் 8- பட்ச வூரணி மாதவே பரிதபித்தே உம்மோடு பாவி நான் அழச் செய்யும் 9- ஆதி யேசுவை நேசித்தே யான் அவர்க்கினியனாக அன்பால் என்னுள்ளம் சுடும் 10- தேவதாயே தயை செய்து பாவி என்னிருதயத்தில் யேசு காயம் பதியும் 11- சிலுவை அடியில் நின்று தேவதாயே உம்மோடே நான் புலம்ப ஆசிக்கின்றேன் 12- கன்னியர் அரசே தாயே என் கண்ணீரை உம்முடைய கண்ணீரோ டேற்றருளும் 13- அன்பாய் அக்கினியை மூட்டி அடியேனைத் தீர்வை நாளில் ஆதரிப்பீர் கன்னியே 14- மண் உடல் உயிர் பிரிந்ததால் வான் மோட்சத் தாத்துமம் சேர்ந்து வாழவும் செய்தருளும். |
ஆன்மீக குரு
தொடர்பு
நிகழ்வுகள்
இணைப்புக்கள்