| புனிதவாரப்பாடல்கள் | 1539-எனக்காக இறைவா எனக்காக | தூய வெள்ளி |
|
எனக்காக இறைவா எனக்காக இடர்பட வந்தீர் எனக்காக - 2 1) பழிகளை சுமத்தி பரிகசித்தார் - உயிர் பறித்திட எண்ணித் தீர்ப்பளித்தார் 2) தாளாச் சிலுவை சுமக்க வைத்தார் - உம்மை மாளாத் துயரால் துடிக்க வைத்தார் 3) விழுந்தீர் சிலுவைப் பளுவோடு - மீண்டும் எழுந்தீர் துயர்களின் நினைவோடு 4) தாங்கிடவொண்ணாத் துன்பங்கண்டே - உம்மைத் தாங்கிய அன்னை துயருற்றாள் 5) மறுத்திட முடியா நிலையாலே - சீமோன் வருத்தினார் தம்மை உம்மோடு 6) நிலையாய் பதிந்தது உன் வதனம் - அன்பின் விலையாய் மாதின் சிறு துணியில் 7) ஓய்ந்தீர் பளுவினைச் சுமந்ததினால் - அந்தோ சாய்ந்தீர் நிலத்தில் மறுமுறையும் 8) விழிநீர் பெருக்கிய மகளிருக்கு - அன்பு மொழிநீர் நல்கி வழி தொடர்ந்தீர் 9) மூன்றாம் முறையாய் வீழ்கையிலே - கால் ஊன்றி நடந்திட மெய் நொந்தீர் 10) உடைகளைக் களைந்திட உமைத் தந்தீர் - இரத்த மடைகள்திறந்திடமெய் சோர்ந்தீர் 11)பொங்கிய உதிரம் தெரிந்திடவே - உம்மைத் தொங்கிடச் செய்தார் சிலுவையிலே 12) இன்னுயிர் அகன்றது உம்மை விட்டு - பூமி இருளினில் சூழ்ந்தது ஒளிகெட்டு 13) துயருற்றுத் துடித்தார் மனம்நொந்து - அன்னை உயிரற்ற உடலினை மடிசுமந்து 14) ஒடுங்கி உமதுடல் பொதியப்பட்டு - நீர் அடங்கிய கல்லறை உமதன்று |
ஆன்மீக குரு
தொடர்பு
நிகழ்வுகள்
இணைப்புக்கள்