| புனிதவாரப்பாடல்கள் | சிலுவையில் இயேசுவை | தூய வெள்ளி |
|
சிலுவையில் இயேசுவை இணைத்ததெல்லாம் - அவர் அன்பே தவிர ஆணியில்லை சாவை வென்றவர் உயிர்த்ததுவும் - அன்பின் சக்தியைத் தவிர ஏதுமில்லை சக மனிதனை அன்பு செய்தால் - இங்கே சகலமும் சரியாகும் தோழா தோழா என் அன்புத் தோழா தரணியில் இயேசுவாய் பிறந்ததெல்லாம் - நம்மைத் தாங்கும் இறைவனின் அன்பேதான் இறப்பிலும் கூட இறைமகனும் - நமக்கு உரைத்தது அன்பின் மகத்துவம்தான் அன்பே இறைவன் என்றறிந்தால் - நம் அகமே ஆலயம் எனத் தெளிவோம் ஒருவரை ஒருவர் அன்பு செய்து - அங்கே ஒன்றாய் தினமும் வழிபடுவோம் மனதிற்குத் தேவை உடன் வாழும் - பிற மனிதரின் அன்பே எனப் புரிந்தால் என் தேவை என் ஆசை என்றெண்ணியே - இங்கு எந்நாளும் அலையாத மனம் வாய்த்திடும் அன்பே இறைவன் என்றறிந்தால் - நம் அகமே ஆலயம் எனத் தெளிவோம் ஒருவரை ஒருவர் அன்பு செய்து - அங்கே ஒன்றாய் தினமும் வழிபடுவோம் |
ஆன்மீக குரு
தொடர்பு
நிகழ்வுகள்
இணைப்புக்கள்