| புனிதவாரப்பாடல்கள் | 1520-ஆயிரக்கணக்கான வருடங்களாய் | குருத்து ஞாயிறு |
|
ஆயிரக்கணக்கான வருடங்களாய் - எம் ஆண்டவரே உம்மை எதிர்பார்த்தோம் இஸ்ராயேல் ஜனங்களை ஆளவாரும் - எம் இயேசு இரட்சகரே எழுந்தருளும் ஓசான்னா தாவிதின் புதல்வா ஓசான்னா ஓசான்னா ஓசான்னா மாமரி வயிற்றினில் பிறந்தவரே - மா முனிசூசை கரங்களில் வளர்ந்தவரே மானிடர் குலத்தினிலுதித்தவரே - எம் மன்னவரே எழுந்தருள்வீரே தாவீது அரசனின் புத்திரரே - ஓர் தெய்வீக முடியோடு வந்தவரே தருமரென புகழ் அடைந்தவரே - எம் தேவனே தேவனே வருவீரே அற்புத யோர்தானில் தீட்சை பெற்றீர் - மா அருள் போதகரால் புகழப்பட்டீர் ஆகாயங்களை நீர் திறக்கவிட்டீர் - உம் ஆதிப்பிதாவிடம் பதவி பெற்றீர் கானான் மணத்தினில் அழைக்கப்பட்டீர் - நீர் கலங்கினவர்கள் பேரில் இரக்கப்பட்டீர் கொண்டுவரச் சொன்னீர் தூயதண்ணீர் - அதை சுத்தரசமாக்கிப் பெயர் அடைந்தீர் புவியினிற் புரிந்தீர் புண்ணியங்கள் - எம் புத்தியிற் புகுந்தீர் அருள் மொழிகள் பக்தியிற் சேர்த்தீர் பல சீடர்கள் - மா பவனியோடு வாரீர் படைத்தவரே குருடர்கள் அநேகர் ஒளி பெற்றார் - முடக் கூன் செவிடர் பலர் சுகம் பெற்றார் குஷ்டர் அதிகமே நலன் பெற்றார் கடவுளே எம்மோடே வாருமே நீர் மரித்தவர் பலருமே உயிர் பெற்றார் - ஒரு மனமுடைந்த விதவை மகன் அடைந்தார் மரியமதலேன் சோதரன் பெற்றார் - எம் மனுக்குலம் இரட்சிக்க வந்தவரே யூதேயா நாட்டினில் புகழ் பெற்றீர் - எம் யூதர் ராசனாய் முடி பெற்றீர் யெருசலேம் நகர்தனில் களிப்புற்றீர் - எம் இயேசு அரசனே அரசாள்வீர் பாவிகளைத் தேடி வந்தவரே - எம் பாவங்கள் பொறுக்க வல்லவரே பாடுகள் பட்டு உழைத்தவரே - எம் பராபரனே உட்செல்லுவீரே உலகமே உமது அரிய வேலை - உம் உயிருமே உமது மாபுதுமை உலகத்தை ஆண்டு வருபவரே - எம் உலகரசே உள்ளே புகுவீரே |
ஆன்மீக குரு
தொடர்பு
நிகழ்வுகள்
இணைப்புக்கள்